استاناداعى ەڭ قىمبات ءزاۋلىم ۇيلەر

استانانىڭ جىلجىمايتىن مۇلىك نارىعىنا ارنايى تالداۋ جۇرگىزگەن krisha.kz سايتى نازارلارىڭىزعا استانانىڭ ەڭ قىمبات ءزاۋلىم ۇيلەر بەستىگىن ۇسىنادى.

ەلوردانىڭ ەڭ قىمبات ءزاۋلىم ءۇيى 1850000000 تەڭگەگە باعالانعان. ول الماتى اۋدانىنداعى اقبۇلاق ىقشام اۋدانىندا 2750 شارشى مەتردە ورنالاسقان 12 بولمەلى ءۇي.

ءۇي جەكە جوبا بويىنشا تۇرعىزىلعان.

ەكىنشى ورىنعا 1330000000 تەڭگە تۇراتىن 16 بولمەلى ءۇي ورنالاستى. كولەمى 740 شارشى مەتر قۇرايتىن جەكەجاي ەكى قاباتتان تۇرادى.

ءۇي ەسىل اۋدانىندا 2014-جىلى تۇرعىزىلعان.

ءۇشىنشى ورىندى ەنشىلەگەن ءزاۋلىم ءۇي 1170000000 تەڭگە تۇرادى. ءۇيدىڭ ىرگەتاسى 2018-جىلى قالانعان. كولەمى 1150 شارشى مەتردى قۇرايدى. ەسىل اۋدانىندا ورنالاسقان.

ءتورتىنشى ورىنعا 1115000000 تەڭگەگە باعالانعان ءۇي ورنىقتى. ۇيدە توعىز بولمە بار. جالپى كولەمى 1120 شارشى مەتر.

ايتا كەتەتىن جايت، ءزاۋلىم ءۇي 80 پايىزعا عانا دايىن.

ال ۇزدىك بەستىكتى اياقتايتىن ءزاۋلىم ءۇيدىڭ قۇنى ءبىر ميلليارد تەڭگەنى قۇرايدى. ەسىل اۋدانىنداعى Saranda قالاشىعىندا ورنالاسقان جەتى بولمەلى جەكەجايدا جانىڭىز نەنى قالاسا، ءبارىن تابۋعا بولادى.

بايقاعاندارىڭىزداي استانانىڭ ەڭ قىمبات ۇيلەرى الماتى جانە ەسىل اۋداندارىندا شوعىرلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى