قاراعاندىدا «مامىلە» قازاق ءتىلى كلۋبى اشىلدى

مۇندا بارلىق نيەت بىلدىرۋشىلەر كەلىپ، وزدەرىنىڭ مەملەكەتتىك ءتىلدى ۇيرەنۋدەگى ماشىقتارىن دامىتا الادى. كلۋبقا مۇشە رەتىندە تىركەلۋ تەگىن.

تىلدەر رەسۋرس ورتالىعىنىڭ ديرەكتورى گۇلناز مۇستاعۇلوۆانىڭ ايتۋىنشا، كلۋبتى اشۋعا «سيتۋاتيۆتى قازاق ءتىلى» اتتى وقۋلىقتىڭ اۆتورى قانات تاسىبەكوۆ باستاماشى بولعان.

«قانات تاسىبەكوۆ ءوز تاجىريبەسى بويىنشا قازاق ءتىلىن ۇيرەنۋدىڭ اۆتورلىق ادىستەمەسىن قۇرعان. «مامىلە» كلۋبىندا كىتاپتار، داپتەرلەر جانە گراماتيكانى جاتتاۋ بولمايدى. ونىڭ ورنىنا قىزىقتى اڭگىمەلەر مەن ويىندار ۇيىمداستىرىلادى»، - دەيدى تىلدەر رەسۋرس ورتالىعىنىڭ ديرەكتورى گۇلناز مۇستاعۇلوۆا.

اپتاسىنا ءبىر رەت، ءار جەكسەنبى سايىن كلۋب مۇشەلەرى دوستىق ۇيىندە، 101 كابينەتتە 16:00 كەزدەسىپ وتىرادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى