استانادا جاستار اراسىندا كوركەم گيمناستيكادان قازاقستان چەمپيوناتى وتەدى

باسقارمانىڭ باسپا ءسوز قىزمەتىنىڭ حابارلاۋىنشا، كوركەم گيمناستيكادان وتەتىن ەل چەمپيوناتىندا 11 وبلىس پەن استانا، الماتى مەن شىمكەنت قالالارىنىڭ سپورتشىلارى باق سىنايدى.

سپورتتىق باسەكەدە بارلىعى 106 گيمناستشى جەكە باعدارلامامەن، ودان بولەك 30 كوماندا (ءار كوماندادا 6 ادامنان) توپتىق جاتتىعۋ بويىنشا شەبەرلىك بايقاسادى.

سونىمەن قاتار، قاتىسۋشىلار اراسىندا توپتىق جاتتىعۋلار بويىنشا كوپسايىستان سپورت شەبەرى (2002-2003-جىلدارى دۇنيەگە كەلگەندەر) جانە سپورت شەبەرىنە كانديدات (2004-2006-جىلدارى دۇنيەگە كەلگەندەر) دارەجەسى ءۇشىن جەكە بىرىنشىلىك وتكىزىلەدى.

اتالعان باسەكەدە ەلوردا نامىسىن توپتىق جاتتىعۋ بويىنشا 5 كوماندا جانە جەكەلەگەن باعدارلامادا 10 سپورت شەبەرى مەن 11 سپورت شەبەرىنە كانديدات قورعايتىن بولادى.

ەل چەمپيوناتى 30- قاڭتار مەن 1- اقپان ارالىعىندا استاناداعى كوركەم گيمناستيكا اكادەمياسىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى