استانا اقىلدى قالالاردىڭ حالىقارالىق رەيتينگىنە ەندى

بۇل تۋرالى اكىمدىكتە وتكەن اپپارات وتىرىسىندا ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى الىشەر ءابدىقادىروۆ ايتتى، دەپ حابارلايدى ەلوردا ينفو.

​«ءبىزدىڭ باسقارما IDC  International Data Corporation  اگەنتتىگىمەن بىرلەسىپ، استانا قالاسى اكىمدىگىنىڭ سالالىق باسقارمالارىن ەكونوميكا، كولىك، قورشاعان ورتا، قاۋىپسىزدىك جانە سيفرلاندىرۋ ماسەلەلەرى بويىنشا زەرتتەۋ جۇمىستارىن جۇرگىزدى. وسى جۇمىستىڭ قورىتىندىسى بويىنشا، استانا قالاسى «اقىلدى» قالالاردىڭ حالىقارالىق رەيتينگىنە ەنگىزىلدى. استانا قالاسىن زەرتتەۋ ناتيجەلەرى بويىنشا ەلوردامىزدىڭ جەتىلۋ دەڭگەيى - 2.48 بالدى قۇرادى»، - دەدى ول.

باسقارما باسشىسى الەمنىڭ كەيبىر قالالارىنىڭ جەتىلۋ دەڭگەيى: سينگاپۋر - 4.4، نيۋ- يورك - 3.7، دۋباي - 3.6، بارسەلونا - 3.2، ماسكەۋ - 3.1 ەكەنىن اتاپ ءوتتى.

«سونىمەن قاتار، استانا قالاسى ورتالىق ازيادا وسى ۇلگى بويىنشا زەرتتەلگەن جانە Smart City كەمەل باعاسىن العان العاشقى قالا بولدى»، - دەپ تۇيىندەدى ءسوزىن ءابدىقادىروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى