اناسى قىزىنا ايتۋى ءتيىس كەڭەستەر
ەرتەڭ ادام دەگەن اتقا لايىق بولىپ ءوسۋى ءۇشىن بالاعا تۋرا جول سىلتەۋ ءبىزدىڭ دە، ءسىزدىڭ دە مىندەت. ال قىز بالانى تاربيەلەۋدىڭ جۇگى بارىنەن اۋىر. ويتكەنى بۇگىنگى تۇلىمشاعى جەلبىرەگەن قىز - ەرتەڭگى اق جاۋلىعى جەلبىرەيتىن انا، اياۋلى جار.
انا بولعان سوڭ ول ومىرگە بالا اكەلىپ، ونى ءوسىرۋ ءۇشىن تاعى ءبىر جاۋاپكەرشىلىكتى موينىنا الادى. سوندىقتان ءبىز بۇگىنگى جازبامىزدى قىز ءوسىرىپ وتىرعان بۇگىنگى انالار قاۋىمىنا ارنايمىز. تومەندەگى كەڭەستەردى كوڭىلدەرىنە قوندىرىپ العان انالاردىڭ دا، ولاردىڭ قىزدارىنىڭ دا مارتەبەسى بيىك بولماق
1. ءومىرىڭ مەن كوڭىلىڭ تىنىش بولماسا، دۇنيە مەن بايلىقتىڭ سەنى باقىتتى ەتەر كۇشى جوعالادى.
2. ءومىر جولىندا قانداي قيىن پروبلەما تۋىنداسا دا، ول ۇزاققا سوزىلمايدى جانە مۇنىمەن ءومىر شەگىنە جەتە قالمايدى.
3. ءوزىڭدى وزگەلەرمەن سالىستىرا بەرسەڭ، ءوزىڭدى دە جوعالتىپ الاسىڭ. وزىڭدە بارىڭمەن ماقتان، وزگەنىڭ دە كومپلەكسى بارىن ۇمىتپا.
4. اناڭا كەز كەلگەن ماسەلە بويىنشا سۇراق قويىپ ءتۇسىندىرۋىن وتىنۋگە قاقىڭ بار. سىر ساقتاۋعا كەلگەندە قۇربىلارىڭنان قايران بولماسا، اناڭا كەپ ءبولىس. انادان ارتىق سىر ساندىق جوق!
5. كىمنەن بولسا دا ءبىرىنشى بولىپ كەشىرىم سۇراۋعا اۋەستەن. بۇل سەنىڭ السىزدىگىڭدى ەمەس، كۇشتىلىگىڭدى دالەلدەيدى. ويتكەنى قانشاما مىقتى ادامدار رەنىش پەن وكپەنى جەڭە الماي ءجۇر.
6. ۇنەمى كۇلىمىسىرەپ ءجۇر. كۇلىمدەۋ - ءومىردىڭ ءسانى ەكەنىن ەستە ساقتا.
7. رەتى كەلگەندە جىلاپ، شەرىڭدى ءوز ۋاقىتىندا شىعارىپ تۇر. قايعى مەن مۇڭدى ىشتە ساقتاي بەرگەنىڭ وزىڭە سور.
8. ايەل ادامنىڭ بويىندا ءارتۇرلى جاعىمدى قاسيەت بولعانى دۇرىس. كوپ بولعانى ودان دا جاقسى.
9. قۇربى تاڭداعاندا مۇقياتتىلىق كەرەك. ادامدار سەنى قۇربىڭا قاراپ تانيتىنىن ۇمىتپا.
10. ايەل ادامنىڭ ادەمىلىككە قۇمارتۋى زاڭدىلىق. ادەمى بولىپ جۇرۋگە، سۇلۋلىقتى ساقتاۋعا ۋاقىت تابۋعا تىرىس.
11. ەر ادامنىڭ نامىسىن تاپتاما جانە تاپتاتپا.
12. اتا- اناڭنىڭ ءقادىرىن ولار قاسىڭدا ءتىرى جۇرگەندە ءبىلىپ، قۇرمەت ءبىلدىر.
13. تابيعي سۇلۋلىقتىڭ ورنىن ەشتەڭەمەن تولتىرۋعا بولمايدى. سوندىقتان جاس كەزىڭدە كوسمەتيكانى شەكتەن تىس پايدالانباي، تابيعي ادەمىلىگىڭدى باعالا.
14. ايەلدىڭ دەنە ءبىتىمى - الەمنىڭ ەڭ ادەمى جاراتىلىستارىنىڭ ءبىرى. سوندىقتان كوپتىڭ كىر كوزدەرىنەن ۇياتتى جەرلەرىڭدى تىعىپ ۇستا. ءساندى سۇيسەڭ دە، ءتاندى جالاڭاشتاما.
دەرەككوز: Reactor
