قازاقستان تۋماسى گەرمانيادا ءىرى كولەمدە ۇرلىق جاسادى دەپ ايىپتالۋدا

 ايتۋىنشا، اتالعان زاتتاردى جەرگىلىكتى بازاردان ساتىپ العان. بۇل تۋرالى Swp.de باسىلىمى حابارلايدى.

كۇدىكتى جۇمىس ىستەگەن اۆتوبولشەكتەردى ساتاتىن دۇكەندەگىلەر تاۋارلاردىڭ جەتىسپەيتىنىن بايقاپ، تۇسىنبەي جۇرگەن. ولار باس كەڭسەگە ۇرلىق تۋرالى حابارلاپ، ناتيجەسىندە باسشىلىق دەتەكتيۆتىك اگەنتتىكتىڭ كومەگىنە جۇگىنىپتى.

دەتەكتيۆتەر كومپانيانىڭ قويماسىن ءوز ادامىن جىبەرىپ، ول 4 اپتا بويى ونداعى تاۋارلاردى باقىلاپ ءجۇرىپتى. وسىلايشا ۇرىنىڭ تۇلعاسى از ۋاقىتتا انىقتالدى. ول قويمانىڭ 53 جاستاعى قىزمەتكەرى بولىپ شىقتى. الايدا پولتسەيلەر ونىڭ ءوزى جالعىز ۇرلاعانىنا كۇماندانادى. قىلمىستى اشۋ بارىسىندا ەكىنشى كۇدىكتى انىقتالدى. ول - قويمانىڭ باسشىسى.

انىقتالعانداي، 53 جاستاعى قازاقستان تۋماسى جۇمىسقا كەلىپ، ءوز كولىگىن كورشىلەس تۇرعان كومپانيانىڭ تۇراعىنا قويىپ جۇرگەن. ونىڭ كولىگى تەكسەرىلىپ، ىشىنەن 1 ليتر موتور مايى مەن سوققىش قۇرىلعى (داتچيك) بولىپتى. ەر ادام دەتەكتيۆتىڭ بۇل زاتتار كولىگىندە قايدان جۇرگەنى تۋرالى سۇراعىنا ولاردى بازاردان ساتىپ العانىن ايتىپ جاۋاپ بەردى.

ارتىنشا دەتەكتيۆتەر كۇدىكتىنىڭ ءۇيىن تەكسەرىپ، قايران قالدى. ونىڭ گاراجى ۇرلانعان اۆتوبولشەكتەرگە لىق تولى بولعان. ۇرلانعان زاتتاردى سىرتقا شىعارۋ ءۇشىن دەتەكتيۆتەرگە پاتۋرلدىك ەكيپاجدىڭ كومەگى قاجەت بولىپتى. انىقتالعانداي، كۇدىكتى شامنان باستاپ، 800 ەۋرو (340 مىڭ تەڭگەدەن اسا) تۇارتىن تىركەستىرەتىن جيىنتىققا دەيىن، باس- اياعى 174 زات ۇرلاعان. ۇرلانعان زاتتاردىڭ باعاسى 13 مىڭ 200 ەۋروعا (5 ميلليون 500 مىڭ تەڭگەدەن اسا) باعالانىپ وتىر.

كۇدىكتى ۇرلانعان زاتتاردى ينتەرنەت ارقىلى ساتقان. الايدا ول ءوز كىناسىن مويىنداماي، اۆتوبولشەكتەردىڭ جارتىسىن بۇرىنعى ارىپتەسىنەن، قالعانىن بازاردان ساتىپ العانىن ايتۋدا.

پوليتسيا ۇرلىقتىڭ ءمان- جايىن انىقتاپ جاتىر.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى