تۇركىستان وبلىسى اكىمىنىڭ ورىنباسارى قوجا احمەت ياساۋي ۇرپاعىمەن كەزدەستى
ىستانبۇل قالاسىنان كەلگەن تاريحشى- عالىم، قوجا احمەت ياساۋيدىڭ 27-ۇرپاعى يسمەتۋللا ياساۋي بۇگىندە «Yesevi Ocakları» جۋرنالىنىڭ باس رەداكتورى ءارى «ياسسى» قورىنىڭ پرەزيدەنتى، دەپ حابارلايدى قازاقپارات ءتىلشىسى.
كەزدەسۋ بارىسىندا مالىك وتاربايەۆ پەن يسمەتۋللا ياساۋي قوجا احمەت ياساۋي مۇرالارىن ناسيحاتتاۋ ماقساتىنداعى جوسپارلانعان جۇمىستاردى تالقىلادى. تۇركيالىق قوناق حالىقارالىق «ياسسى» قورىمەن بىرلەسىپ جۇمىس ىستەۋگە نيەت ءبىلدىرىپ، ەكى ەلدىڭ مادەني-رۋحاني قارىم-قاتىناسىن نىعايتۋعا ۇلەس قوساتىنىن جەتكىزدى. سونداي-اق ەكىجاقتى مادەني بايلانىستار تۋرالى دا ويلارىمەن ءبولىستى.
«تۇركىستان قالاسى - تۇركى حالىقتارى ءۇشىن قاسيەتتى مەكەن. مەنىڭ وتانىم - قازاقستان. سوندىقتان دا قوجا احمەت ياساۋي مۇرالارىن ناسيحاتتاۋ جۇمىستارىنىڭ بارلىعىنا اتسالىسۋعا دايىنمىن»، - دەدى ياسسى قورىنىڭ پرەزيدەنتى يسمەتۋللا ياساۋي.
ايتا كەتەيىك، قوجا احمەت ياساۋيدىڭ «ديۋاني حيكمەت» كىتابىنىڭ قولجازباسى وتكەن كۇزدە تۇركىستانداعى مۇراجايعا تابىستالعان. قۇندى قولجازبانى قوجا احمەت ياساۋيدىڭ 27-ۇرپاعى وتكىزگەن بولاتىن.
