قازاقستاندىق اسكەري بوكسشى حالىقارالىق تۋرنيردەن التىن جۇلدە الدى

«سەربيانىڭ سومبورا قالاسىندا بوكستان «ۇلت كۋبوگى» حالىقارالىق ءتۋرنيرى ءوز مارەسىنە جەتتى. وندا سپورت كوميتەتى - ارميا ورتالىق سپورت كلۋبىنىڭ سپورتشىسى ريمما ۆولوسەنكو التىن مەدال ەنشىلەدى. ول جەكپە- جەكتە 60 كەلىگە دەيىنگى سالماق دارەجەسىندە 5:0 ەسەبىمەن حورۆاتيا سپورتشىسى سارۋ بەرامدى جەڭدى» ، - دەپ جازىلعان كوميتەتتىڭ فەيسبۋك پاراقشاسىندا.

ودان بولەك، وتانداسىمىزعا سايىس قورىتىندىسى بويىنشا «ۇزدىك جاۋىنگەر» اتاعى بەرىلدى. وسىمەن 8- رەت ۇيىمداستىرىلعان ۇلت كۋبوگىنە 21 ەلدەن، ياعني، بولگاريا، بوسنيا جانە گەرتسەگوۆينا، ماجارستان، گەرمانيا، گرەكيا، قىتاي، لاتۆيا، ليتۆا، نورۆەگيا، پولشا، رۋمىنيا، رەسەي، سلوۆەنيا، سومالي، سەربيا، وزبەكستان، ۋكراينا، فرانسيا، حورۆاتيا، چەحيا، سونداي- اق چەرنوگوريادان 170 تەن اسا سپورتشى قاتىستى. سونداي- اق، حابارلامادا ءمالىم ەتىلگەندەي، قازاقستاننىڭ ايەلدەر قۇراماسى جالپى كوماندالىق ەسەپتە ءبىرىنشى ورىندى يەلەنىپ، ءتۋرنيردىڭ سۋپەر كۋبوگىن جەڭىپ الدى.

ق ايتۋلى باسەكەدە Ⅱورىنعا رەسەيدىڭ سپورتشىلارى تابان تىرەسە، تيىسىنشە Ⅲورىن سەربيا كومانداسىنا بۇيىردى. «8  جىلدىق تاريحى بار تۋرنيردە قازاقستاندىق قىز- كەلىنشەكتەردىڭ بۇل 4- جەڭىسى، بۇدان بۇرىن ايەلدەر قۇراماسى 2012, 2015 جانە 2017 -جىلدارى ۇزدىك دەپ تانىلدى» ، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى