كومپيۋتەر ادامنان اقىلدى بولا الا ما؟
ستيۆەن حوكينگ ءبىر سوزىندە «جاساندى ينتەللەكتىنىڭ دامۋى اقىرزامانعا اكەلەدى» دەسە، يلون ماسك جاساندى ينتەللەكتىنى ادامزاتقا ءتونىپ تۇرعان ەڭ ۇلكەن قاۋىپ دەپ اتاعان. ءتىپتى، وكسفورد، كاليفورنيا ۋنيۆەرسيتەتتەرىنىڭ عالىمدارى دا جاساندى ينتەللەكتىنى دۇرىس پايدالانباۋ جەر جارىنداعى ءومىردىڭ اقىرىنا الىپ كەلەتىنىن العا تارتۋدا. دەگەنمەن، بۇل پروبلەما كومپيۋتەر پايدا بولعاننان بەرى ايتىلىپ كەلە جاتقانى بەلگىلى.
Vox باسىلىمىندا جاريالانعان كولەمدى ماقالادا اۆتور وسى ماسەلە توڭىرەگىندە ساراپتاما جاساعان. اۆتوردىڭ ايتۋىنشا، كەي ماماندار ادامزاتتى قورقىتاتىن جاساندى ينتەللەكت تۋرالى ايتۋ ءالى ەرتە ەكەنىنە سەنىمدى. «كومپيۋتەردى ادامنان دا اقىلدى ەتۋ قولىمىزدان كەلە مە؟ نەگىزىنەن، قازىرگى زامانداعى جاساندى ينتەللەكت تەحنولوگيالارى سونشالىقتى اقىلدى ەمەس. ادامنىڭ اقىلىن باسىپ وزا المايدى. جاساندى ينتەللەكت تۋرالى مىنانداي قاناتتى ءسوز بار: «وڭايدىڭ بارلىعى قيىن، ال قيىن نارسە - وڭاي». كومپيۋتەرگە قيىن ەسەپ شىعارۋ وتە وڭاي بولعانمەن، ول سۋرەتكە قاراپ، وندا يت نەمەسە مىسىق بەينەلەنگەنىن اجىراتا المايدى. ياعني، ادامدار ىستەي الاتىن ارەكەتتەردىڭ كوپشىلىگى ءالى جاساندى ينتەللەكت تەحنولوگيالارىنىڭ قولىنان كەلمەيدى»، دەپ جازادى اۆتور.
ونىڭ ايتۋىنشا، كومپيۋتەردى كىتاپ وقۋعا، ونىڭ مازمۇنىن ءتۇسىنىپ، ساراپتاۋعا ۇيرەتۋ جولى ءالى تابىلعان جوق. ياعني، كومپيۋتەردى ادام سياقتى اقىلدى قىلاتىن ۋاقىت ءالى الىس.
