وسكەمەندىك كاسىپكەر قازاق ءتىلىن وقىتۋ كۋرستارىن اشتى

ياروسلاۆتىڭ ماماندىعى - ءتىس دارىگەرى. ستوماتولوگيالىق بيزنەسپەن تابىستى اينالىسىپ جۇرگەنىنە ون جىلدان اسقان. قازاق ءتىلىن وقىتۋ ورتالىعىن اشۋ يدەياسى كەزدەيسوق جاعداي ەمەس. بيزنەسمەننىڭ ايتۋىنشا، بۇنىڭ ورىندى سەبەبى بولعان.

«تاياۋدا قازاق ءتىلىن مەڭگەرگىم كەلدى، ءبىراق ءتيىمدى كۋرستار تابا المادىم. سوسىن، ءوزىم اشۋدى شەشتىم. ونىڭ الدىندا الەۋمەتتىك جەلىلەردە سۇراۋ جۇرگىزدىم. نيەت بىلدىرگەندەر كوپ بولدى. ءبارىن ويلاستىرىپ، شەشىم قابىلدادىم. جوبا قۇرىپ، وقىتۋشىنى تاپتىم، ونىمەن بىرگە وقىتۋ باعدارلاماسىن دايىندادىق، جالعا بولمە الىپ، وعان جيھاز، كەڭسە زاتتارىن، وقۋلىقتار ساتىپ الدىم. جۇمىس باستالىپ كەتتى. ايتا كەتەيىن، ءبىزدىڭ وقىتۋشىمىز - ەڭبەك ءوتىلى ۇلكەن پەداگوگ، ۋنيۆەرسيتەتتە قىزمەت ەتكەن، وبلىس ورتالىعىنىڭ ءىرى كاسىپورىندارى ءۇشىن وقىتۋ باعدارلاماسىن ازىرلەگەن» ، - دەيدى «قازاق زەردە» ج ش س- ءنىڭ نەگىزىن قۇراۋشى ياروسلاۆ كۋشناريەۆ.

 «48 ساعاتتا بازالىق قازاق ءتىلى» كۋرستارى ءۇش اي بۇرىن باستالعان. ازىرگە وعان 15 ادام بارىپ ءجۇر. ءار توپتىڭ 4-5 تىڭدارمانى بار. قازاق ءتىلىن مەڭگەرۋگە نيەت بىلدىرگەندەردىڭ كوبى - ورىس ۇلتىنىڭ وكىلدەرى. ولاردىڭ جاسى - 27-40 ارالىعىندا.

 بيزنەسمەننىڭ ايتۋىنشا، بۇل نەگىزىنەن، ءوزى سياقتى كاسىپكەرلەر. توپتاردى قۇرماق بۇرىن، ياروسلاۆ وقىتىلۋشىنىڭ قازاق ءتىلىن ءبىلۋ دەڭگەيىن، وعان ءتىلدى مەڭگەرۋ نە ءۇشىن قاجەت ەكەنىن جانە كۋرستارعا قاي ۋاقىتتا قاتىسۋ ىڭعايلى ەكەنىن انىقتايدى.

كۋرستارعا قاتىسۋشىلاردىڭ كوبى باستاپقى دەڭگەيدە، ياعني، ەڭ ءبىرىنشى سويلەۋ ءتىلىن مەڭگەرگىسى كەلەتىندەر بار، دەيدى ياروسلاۆ. مۇنداعى ساباقتار اپتاسىنا ەكى- ءۇش رەت ەكى اكادەميالىق ساعاتتان وتكىزىلەتىنى جوسپارلانعان.

اۆتور: ليۋدميلا مالكو

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى