مەكتەپ دارەتحاناسىندا قۇرداستارىن سوققىعا جىققان وقۋشىلار سوتتالۋى مۇمكىن
بۇل تۋرالى ق ر ءى ءى م ىشكى جانە سىرتقى كوممۋنيكاتسيالار دەپارتامەنتىنىڭ ديرەكتورى الماس سادۋبايەۆ ايتتى، دەپ حابارلايدى قازاقپارات ءتىلشىسى.
«تەرگەۋگە دەيىنگى تەكسەرۋ امالدارى اياسىندا پوليتسيا قىزمەتكەرى مەكتەپ دارەتحاناسىندا قۇرداستارىن سوققىعا جىعىپ، مۇنىڭ بارلىعىن ۆيدەوعا تۇسىرگەن جاسوسپىرىمدەردىڭ اتى- جوندەرى انىقتالدى. وقيعا وسىدان ءبىر جىل بۇرىن، 2018 -جىلدىڭ 10 - قاڭتارىندا قىزىلوردا قالاسىندا بولعان. سول كەزدە زارداپ شەككەن وقۋشىنىڭ اتا- اناسىنان پوليتسياعا شاعىم تۇسكەن جوق» ، - دەدى الماس سادۋبايەۆ.
دەپارتامەنت باسشىسىنىڭ ايتۋىنشا، ق ر قىلمىستىق كودەكسىنىڭ 293 - بابىنىڭ 2 - بولىگىندە قاراستىرىلعان قىلمىس بەلگىلەرى بويىنشا سوتقا دەيىنگى تەرگەۋ امالدارى باستالدى.
«اتالعان باپ باس بوستاندىعىنان 5 جىلعا دەيىن ايىرۋدى نەمەسە ءدال وسى مەرزىمگە باس بوستاندىعىن شەكتەۋدى كوزدەيدى» ، - دەدى الماس سادۋبايەۆ.
بۇعان دەيىن تۇركىستان قالاسىندا دا قاتارلاستارىنا الىمجەتتىك جاساعان وقۋشىلار ارەكەتتەرىن ۆيدەوعا ءتۇسىرىپ، ول الەۋمەتتىك جەلىگەن تاراپ كەتكەن بولاتىن. ول وقۋشىلاردا انىقتالدى.
