قازاقستاندىق سكاۋتتار دونالد ترامپپەن كەزدەسەدى
الەمدىك سكاۋتتار سلەتى 22 - شىلدە مەن 2 - تامىز ارالىعىندا ا ق ش باتىس ۆيرگينيا شتاتىنىڭ بەكلي قالاسىندا س. بەحتەل اتىنداعى ۇلتتىق سكاۋت ورتالىعىندا وتەدى. وعان 160 مەملەكەتتەن 45 مىڭ ادام قاتىسادى.
«دۇنيە ءجۇزىنىڭ سكاۋتتارى ءۇشىن ماڭىزدى بۇل جيىنعا قازاقستاننان 12 بالا بارادى. ول ءۇشىن 13-17 جاس ارالىعىنداعى بالالارعا ىرىكتەۋ جۇرگىزىلدى. باستى تالاپ - ۇمىتكەرلەردىڭ اعىلشىن ءتىلىن ءبىلۋى جانە سكاۋتتىق قابىلەتتەرى بولدى» ، - دەدى يلدار كاتەنوۆ استانادا ۇلى دالا سكاۋتتارىنىڭ VIII كونفەرەنسياسىندا.
سونداي- اق، الەمدىك دجامبوريگە ا ق ش پرەزيدەنتى دونالد ترامپ جانە وزگە دە ەلدەردەن تانىمال ساياسي تۇلعالار، قوعام قايراتكەرلەرى قوناق بولىپ كەلەدى.
«سلەت فەستيۆالدىك فورماتتا ۇيىمداستىرىلادى، وندا ءاربىر دەلەگاتسيا ءوز ەلىن، مادەنيەتىن جانە سالت- ءداستۇرىن تانىستىرادى. وسىلايشا، الەمنىڭ تۇپكىر- تۇپكىرىنەن كەلگەن سكاۋتشىلارعا قازاقستاندى تانىستىرۋ مۇمكىندىگىنە يە بولدىق» ، - دەيدى ي. كاتەنوۆ.
جالپى، سكاۋتينگ - بالالارعا ءتۇرلى ويىندار مەن قىزىقتى ساباقتار ارقىلى ورتا مەكتەپتەن دە مول مالىمەت، زور ءبىلىم مەن داعدى بەرە الاتىن ءبىلىم جۇيەسى. ونى بەيرەسمي ءبىلىم بەرۋ جۇيەسى دەپ اتايدى. سكاۋتتار سول ارقىلى بارلىق نارسەنى ۇيرەنەدى. جازدا - تابيعات اياسىندا تىرشىلىك ەتۋدىڭ قىر- سىرىن ۇيرەنسە (وتقا اس پىسىرەدى، قوس قۇرادى، پالاتكادا ۇيىقتاپ، وتىن جينايدى، سۋدا جۇزەدى، ءتۇرلى كوماندىق ويىندار وينايدى، اعاشقا ورمەلەيدى ت. ب. ) ، قىستا - تۋريزم بويىنشا جارىستارعا، كۆەستەرگە قاتىسىپ، ءتۇرلى اكسيالار وتكىزەدى. سكاۋت بولۋ ءۇشىن جاس ەرەكشەلىگى ماڭىزدى ەمەس. قىسقاشا ايتقاندا، بۇل جۇيە بالالارعا جەكە تۇلعا رەتىندە دامۋدىڭ جولىن ايقىنداپ بەرمەك.
بۇگىندە سكاۋتتىق قوزعالىستى ق ر پارلامەنتى، جەرگىلىكتى باسقارۋ ورگاندارى، ق ر ءبىلىم جانە عىلىم مينيسترلىگى، ق ر تۇڭعىش پرەزيدەنتىنىڭ كىتاپحاناسى، مەكتەپتەر مەن بالالار شىعارماشىلىق ۇيلەرى، قوعامدىق بىرلەستىكتەر، بالالاردى دامىتۋ جەكەمەنشىك ورتالىقتارى مەن جالپى باستاماشىل اتا- انالار قولداپ وتىر.
