ءابىلحان قاستەيەۆتىڭ شوبەرەسى قازاقى ناقىشتاعى كيىم ۇلگىلەرىن تانىستىردى
«قازاق ۇلتتىق ۋنيۆەرسيتەتىندە 4-كۋرستا وقيمىن. ماماندىعىم - كوستيۋم سۋرەتشىسى. وسى ماماندىعىم بويىنشا قازاقى ناقىشتاعى كيىمدەر تىگۋدى قولعا العانىما ءبىر جىل بولدى. وسى شىعارماشىلىق جۇمىستارىم ارقىلى قازاقتىڭ سالت- ءداستۇرىن الەمگە تانىتقىم كەلەدى. ماسەلەن، مىنا كوستيۋمدە ۇزاتىلاتىن قازاق قىزى سۋرەتتەلگەن. كەلەسى كيىمدە ساۋكەلە كيگەن قازاق قىزىنىڭ تويعا دايىندالىپ جاتقانى بەينەلەنگەن» ، - دەدى فورۋم اياسىندا ۇيىمداستىرىلعان كورمە بارىسىندا جۇمىستارىن تانىستىرعان ءايسانىم قاستەيەۆا.
ءا. قاستەيەۆتىڭ شوبەرەسى مۇنان دا وزگە يدەيالارىنىڭ بار ەكەنىن، الايدا ونى جۇزەگە اسىرۋعا قاراجات قول بايلاۋ بولىپ وتىرعانىن ايتتى. وسى رەتتە جاستار جىلىنان كۇتەرى كوپ ەكەنىن اتاپ ءوتتى.
«ۇكىمەت نەمەسە ءتۇرلى قوعامداستىقتار تاراپىنان قولداۋ بولسا حالىققا قاجەتتى دۇنيەلەردى جاساپ شىعاراتىن ەدىم. ارمانىم - قازاقتىڭ ايگىلى سۋرەتشىسى، بەينەلەۋ ونەرىنىڭ نەگىزىن سالۋشىلاردىڭ ءبىرى، اتام ءابىلحان قاستەيەۆتىڭ ونەر جولىن جالعاستىرۋ. بولاشاقتا اعىلشىن تىلىنە باسىمدىق بەرۋ ارقىلى بالالاردى شىعارماشىلىققا باۋليتىن ورتالىق تا اشقىم كەلەدى» ، - دەدى ءايسانىم قاستەيەۆا.
