نيۋ-يوركتە الاياقتىق جاسادى دەگەن كۇدىكپەن قازاقستاندىق قىز ۇستالدى

بويجەتكەن ءوزىن ريەلتور رەتىندە تانىستىرىپ، ادامداردى الدادى دەگەن كۇدىككە ءىلىندى. پوليتسەيلەردىڭ ايتۋىنشا، 24 جاستاعى قىز ەر اداممەن سىبايلاس بولعان. بۇل تۋرالى CBSNewYork ارناسىنا سىلتەمە جاساعان NUR. KZ حابارلايدى.

تۇتقىندالعان بويجەتكەن وتكەن جىلدىڭ ءساۋىر مەن شىلدە ارالىعىندا جابىرلەنۋشىلەرگە بىرنەشە مىڭ دوللار شىعىن كەلتىرگەن.

ماحاببات برۋكليندە تۇرعان. ول ۇساق-تۇيەك جىمقىرۋ جانە الاياقتىق فاكتىلەرى بويىنشا ايىپتالىپ وتىر.

بويجەتكەن ءوزىن ريەلتورمىن دەپ تانىستىرىپ، بىرنەشە ادامعا ءبىر پاتەردى جالعا بەرگەن. الدىن-الا تولەم رەتىندە ادامداردان ءارتۇرلى اقشا سوماسىن الىپ، ءىزىن سۋىتىپ وتىرعان.

بويجەتكەن كۆينس تۇرعىنىمەن بىرلەسە ارەكەت ەتكەنى ايتىلادى. ەر ازامات ازىرگە قۇرىقتالماپتى. ول سەگىز لاقاپ اتتى پايدالانىپ، 11 ادامدى الداپ ۇلگەرگەن.

تۇتقىندالعان ماحاببات حابارلاندىرۋدى Facebook پاراقشاسىندا جاريالاپ وتىرعان.

العاشقى الاياقتىعىنىڭ قۇربانى 22 جاستاعى بويجەتكەن بولعان. ول قازاقستاندىق قىز ۇسىنعان پاتەر ءۇشىن 500 دوللار الدىن الا تولەم تولەگەن.

سول كۇنى ماحاببات پاتەردى باسقا قىزعا كورسەتىپ، ودان 200 دوللار العان.

وسىنداي الاياقتىق 10- شىلدە كۇنى دە جاسالعان. بۇل جولى ماحاببات قۇربانىنان 700 دوللار العان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى