ەلەكتروندىق ۇكىمەت نەگىزدەرى مەكتەپتە وقىتىلاتىن بولدى
مەملەكەتتىك كورپوراتسيانىڭ بۇل ۇسىنىسىن ق ر ءبىلىم جانە عىلىم مينيسترلىگى قولداپ، ءتيىستى بۇيرىققا ەرلان ساعاديەۆ قول قويدى. وسىلايشا، 11-سىنىپ وقۋشىلارىنىڭ وقۋ باعدارلاماسىنا ءتيىستى وزگەرىستەر ەنگىزىلەدى.
«سيفرلىق قازاقستان» باعدارلاماسىنا سايكەس، ورتا، تەحنيكالىق جانە جوعارى كاسىبي ءبىلىم بەرۋ ۇيىمدارىندا سيفرلىق ساۋاتتىلىقتى ارتتىرۋ قاجەت. بالالار مەكتەپ جاسىنان- اق سيفرلىق تەحنولوگيالاردىڭ ءتىلىن ءتۇسىنىپ، ءتۇرلى ەلەكتروندىق جۇيەنى قولدانۋدى ۇيرەنۋى ءتيىس. وسى ورايدا، 11-سىنىپ وقۋشىلارى اقپاراتتىق تەحنولوگيالار مەن ونداعى قاۋىپسىزدىك ساباقتارى اياسىندا ەلەكتروندى ۇكىمەت پورتالىنىڭ جۇمىس ىستەۋ الگوريتمىن ءبىلىپ، ەلەكتروندىق قۇجاتتار، سيفرلىق قولتاڭبا سياقتى تەرميندەرمەن تانىسىپ، مەملەكەتتىك قىزمەتتەردى ەلەكتروندىق فورماتتا الۋ ءۇردىسىن ۇيرەنە الادى.
«ورتا ەسەپپەن جىل سايىن مەكتەپتى 140 مىڭ وقۋشى ءتامامدايدى دەسەك، مەملەكەتتىك قىزمەتتەردى ح ق و- عا بارماي- اق الۋدى بىلەتىن «سيفرلىق» ۇرپاق جىل ساناپ كوبەيىپ وتىرادى. ونىڭ ۇستىنە، ول بالالار اتا- اناسىنا، اتا- اجەسىنە ەلەكتروندىق ۇكىمەت پورتالىن قولدانۋعا كومەكتەسە الادى. بۇل حالىق اراسىندا سيفرلىق ساۋاتتىلىق كورسەتكىشىنىڭ ارتۋىنا، ءسوزسىز، اسەر ەتەدى»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى ابلايحان وسپانوۆ.
ايتا كەتەيىك، بۇگىندە ەلىمىزدىڭ 16 وڭىرىندە اشىلعان سيفرلىق ح ق و ارقىلى تەگىن «سيفرلىق ساۋات اشۋ» كۋرستارىنا قاتىسىپ، ەلەكتروندىق ۇكىمەت پورتالىمەن جۇمىس ىستەۋ داعدىلارىن ۇيرەنۋگە بولادى. وسى كۇنگە دەيىن 5 مىڭنان استام ادام اتالمىش كۋرستاردان ءوتىپ، ءتيىستى سەرتيفيكاتتار العان. وعان قوسا، 2018 -جىلى مەملەكەتتىك كورپوراتسيانىڭ ۇيىمداستىرۋىمەن «ەلەكتروندىق ۇكىمەت جانە ەلەكتروندىق مەملەكەتتىك قىزمەتتەر» كۋرسىنان جەرگىلىكتى اتقارۋشى ورگانداردىڭ 3500 وكىلى ءوتتى. ولار، ءوز كەزەگىندە، جاتتىقتىرۋشى مارتەبەسىن الىپ، العان بىلىمدەرىن 686 مىڭ ازاماتقا ۇيرەتتى.
