ۇلتتىق ساراپتاما ورتالىعى ونىمدەردىڭ حالال ستاندارتىن راستاپ وتىراتىن بولادى
«ق ر د س م قوعامدىق دەنساۋلىق ساقتاۋ كوميتەتى ۇلتتىق ساراپتاما ورتالىعىنىڭ ديرەكتورى قانات بالىقبايەۆ پەن ق م د ب «حالال دامۋ» ج ش س ءانۋار ەلجانوۆ قوعامدىق دەنساۋلىقتى باقىلاۋ مەن حالىقتىڭ سانيتارلىق- ەپيدەميولوگيالىق قاۋىپسىزدىگىن ارتتىرۋ سالاسىندا ىنتىماقتاستىق تۋرالى مەموراندۋمعا قول قويدى. تاراپتار نارىققا وتاندىق يننوۆاتسيالىق ءونىم شىعارۋدى، حالال ونىمدەردىڭ ساپاسىن ارتتىرۋدى، حالال- يندۋستريا سالاسىندا تاجىريبە الماسۋ مەن وزگە دە شارالاردى ۇيىمداستىرۋدى قاراستىرىپ وتىر» ، - دەپ حابارلادى ورتالىقتىڭ باسپا ءسوز قىزمەتىنەن.
كەزدەسۋ بارىسىندا قانات بالىقبايەۆ ورتالىق قىزمەتى تۋرالى ايتىپ بەردى. ونىڭ ايتۋىنشا، ءاربىر وڭىردە زەرتحانالار جۇمىس ىستەيدى، وندا ونىمدەردىڭ ساپاسىن، جاسالۋ تەحنولوگياسىن تەكسەرۋگە بولادى.
«حيميالىق ونەركاسىپ پەن ءداستۇرلى تاعامداردى ارزان الماستىرعىشتاردىڭ دامۋىمەن ازىق- تۇلىك ونىمدەرىنە ساراپتاما جاساۋ وزەكتى بولا ءتۇستى. ءبىزدىڭ ماماندار دۇكەن سورەسىندەگى ونىمدەردىڭ حالىققا قاۋىپ توندىرمەۋى ءۇشىن جۇمىس ىستەيدى» ، - دەدى ول.
ىنتىماقتاستىق اياسىندا ەت ونىمدەرىندەگى جانۋار ءتىنىنىڭ سايكەستىگىنە زەرتتەۋلەر جۇرگىزۋ، الكوگولسىز سۋسىنداردىڭ تالاپتارعا ساي كەلۋى تەكسەرىلەدى.
