ا ق ش كونگرەسسى ەلدى ناتو- دان شىعارۋعا قارسى زاڭ جوباسىن قولدادى

قۇجات ەندى رەسپۋبليكاشىلدار كوپشىلىك ورىندى يەلەنگەن سەنات قاراۋىنا ءتۇستى.

داۋىس بەرۋ قارساڭىندا وتكەن باسپا ءسوز ءماسليحاتىندا دەموكرات كونگرەسسمەندەر باسپا سوزدە پرەزيدەنت دونالد ترامپتىڭ ا ق ش- تى ناتو قۇرامىنان شىعارۋ نيەتى بارى جاريالانا باستاعانىنا الاڭداعان. ترامپ كوپشىلىك الدىندا ا ق ش- تىڭ ناتو- داعى سەرىكتەرىن قورعانىسقا از قارجى بولەدى دەپ تالاي رەت سىناعان. ناتو- نى 70 جىل بۇرىن ا ق ش، كانادا جانە ولاردىڭ ەۋروپاداعى وداقتاستارى س س س ر- گە قارسى تۇرۋ ءۇشىن قۇرعان.

New York Times باسىلىمى وتكەن اپتادا ا ق ش ۇكىمەتىندەگى دەرەككوزىنە سىلتەمە جاساپ، 2018 -جىلى ترامپ جەكە كەزدەسۋلەرىندە ا ق ش- تى ناتو قۇرامىنان شىعارعىسى كەلەتىنى تۋرالى بىرنەشە رەت ايتقانىن حابارلاعان.

باسىلىمداعى اقپاراتتان سوڭ رەسپۋبليكاشىلدار مەن دەموكراتتار دايىنداعان زاڭ جوباسى ا ق ش سەناتىنا قايتا ۇسىنىلدى. قۇجات پرەزيدەنتتىڭ ەلدى ناتو قۇرامىنان سەناتتىڭ كەلىسىمىنسىز شىعارۋىنا تىيىم سالادى.

www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى