تاۋار ساپاسىن باقىلايتىن كوميتەت قاشان قۇرىلادى
بۇل جايىندا ءماجىلىس دەپۋتاتىنىڭ رەسمي ساۋالىنا جاۋاپ بەرگەن ق ر پرەمەر- ءميينسترى باقىتجان ساعىنتايەۆ اتاپ وتكەن، دەپ حابارلايدى قازاقپارات ءتىلشىسى.
ونىڭ ايتۋىنشا، مەملەكەت باسشىسى نۇرسۇلتان نازاربايەۆ تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتىن قۇرۋعا قاتىستى ۇكىمەت ادىستەرىن ماقۇلداعان.
«وسىعان وراي، اعىمداعى جىلدىڭ ءبىرىنشى توقسانىندا فارماتسيا كوميتەتى مەن قوعامدىق دەنساۋلىقتى ساقتاۋ كوميتەتتەرىن قوسۋ جولىمەن ق ر دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتى قۇرىلادى. وعان ادام دەنساۋلىعىنا اسەر ەتەتىن تاۋارلار مەن قىزمەتتەردىڭ ساپاسىن جانە قاۋىپسىزدىگىن، مەديتسينالىق قىزمەتتەر ساپاسىن، ءدارىحانالارداعى شەكتى بولشەك باعانى ساقتاۋعا باقىلاۋدى قوسا العاندا ءدارى- دارمەكتەر مەن مەديتسينالىق بۇيىمدارىنىڭ اينالىمى سالاسىن، حالىقتىڭ سانيتارلىق- ەپيدەميولوگيالىق ساۋلىعىن قامتاماسىز ەتۋ سالاسىن باقىلاۋ قىزمەتتەرى بەرىلەدى» ، - دەپ اتاپ وتەدى ب. ساعىنتايەۆ.
سونىمەن قاتار، پرەمەر- ءمينيستردىڭ دەرەگىنشە، ۇكىمەت تاۋارلار مەن قىزمەتتەردى ستاندارتتاۋدى دامىتۋ جانە ساپاسىن قامتاماسىز ەتۋ جونىندەگى كەشەندى جوسپار قابىلداۋدى جوسپارلاپ وتىر. اتالعان جوسپار اياسىندا حالىقارالىق ستاندارتتار مەن ەرازيالىق ەكونوميكالىق وداق تالاپتارىنا ساي كەلەتىن تاۋارلار مەن قىزمەتتەردىڭ جاڭا ستاندارتتارى ازىرلەنىپ، قولدانىستاعى ستاندارتتار جەتىلدىرىلەدى.
