الىمجەتتىك جاساعان وقۋشىلارعا قاتىستى تەرگەۋ امالدارى باستالدى

 دەپ حابارلايدى قازاقپارات ءتىلشىسى.

 «بۇگىن الەۋمەتتىك جەلىدە تاراعان № 31، №18، №11 ورتا مەكتەپتىڭ 9-سىنىپ وقۋشىلارىنىڭ اراسىنداعى الىمجەتتىك بارلىعىمىز ءۇشىن كۇتپەگەن جاعداي بولىپ وتىر. توبەلەسكە قاتىسۋشىلار تولىق انىقتالىپ، پوليتسيا تاراپىنان تەرگەۋ جۇمىستارى باستالدى. وقيعا قالامىزداعى مەكتەپتىڭ 9-سىنىپ وقۋشىلارى اراسىندا ساباقتان تىس ۋاقىتتا، ياعني كەشكى ساعات 17:00 شاماسىندا بولعان. تەرگەۋ بارىسىندا اتا- انالاردىڭ، مەكتەپ باسشىلارىنىڭ جانە يۋۆەنالدى پوليتسيا توبىنىڭ جاۋاپكەرشىلىكتەرى قارالۋدا»، - دەدى اقمارال باتىربەكوۆا.

وقيعا وبلىستىق ءبىلىم باسقارماسىنىڭ، وبلىستىق پوليتسيا دەپارتامەنتىنىڭ قاتاڭ باقىلاۋىنا الىنعان.

ەسكە سالساق، الەۋمەتتىك جەلىلەردە ءبىر توپ مەكتەپ وقۋشىلارىنىڭ تومەنگى سىنىپ وقۋشىلارىنا الىمجەتتىك جاساپ، ۇرىپ- سوققانى تۋرالى ۆيدەو تاراپ كەتتى. بۇل وقيعاعا قاتىستى ىشكى ىستەر مينيسترلىگى جاۋاپ بەرىپ، الىمجەتتىك جاساعانداردىڭ انىقتالعاندىعى تۋرالى حابارلاعان بولاتىن.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى