استانادا كۇيەۋىن «ءپىشىپ» تاستاماق بولعان كەلىنشەك تۇرمەگە قامالا ما

«ءيا، ونداي ءىس قارالدى. ءبىراق اتالعان سوت وتىرىسى جابىق ءوتتى. ۇكىم شىقتى. ءبىراز جازالاۋ شاراسى كەيىنگە شەگەرىلدى. سەبەبى، ايىپتى كەلىنشەكتىڭ اسىراۋىندا كامەلەتكە تولماعان بالالار بار. دەگەنمەن، زاڭ بويىنشا جازانى شەگەرۋ مەرزىمى اياقتالعاندا سوت جازانى جەڭىلدەتە الادى، ءيا بولماسا، سول كۇيىندە قالدىرىپ، كىنالى ادامدى تۇرمەگە جازانى وتەۋگە جىبەرە الادى. جازانى شەگەرۋ مەرزىمى ءالى اياقتالعان جوق. سول كەزدە بەلگىلى بولادى»، - دەدى ق. توباعالي ۇلى استانادا وتكەن باسپا ءسوز ءماسليحاتىندا.

 ايتا كەتەيىك، وتكەن جىلى قاڭتار ايىندا 36 جاستاعى كەلىنشەك سۇيىكتىسىن جىنىستىق مۇشەسىنەن ايىرعىسى كەلگەن بولاتىن. سونىمەن قاتار، الەۋمەتتىك جەلىلەر مەن مەسسەنجەرلەردە استانا قالاسى ەسىل اۋداندىق №2 سوتىنىڭ 2018 -جىلعى 24 - قاڭتارداعى قاۋلىسى رەتىندە سيپاتتالعان قۇجاتتىڭ فوتوسى تاراعان بولاتىن.

ونداعى دەرەكتەرگە سۇيەنسەك، وزگە قىزبەن كوڭىل قوستى دەپ سۇيىكتىسىنەن كۇدىكتەنگەن 1981 -جىلى تۋعان ايەل، ونى ينتيمدىك ويىن ويناۋعا شاقىرىپ، كەيىننەن اياق- قولىن بايلاعان. سوسىن ءدارى بەرگەن. الدىن الا بولجام بويىنشا، ۇيىقتاتاتىن پرەپارات. سودان سوڭ بار وكپە- رەنىشىن ايتىپ، ەر ادامنىڭ جىنىس مۇشەسىنە تىلىكتەر جاساي باستاعان. «جازالاۋ» بارىسىندا سۇيىكتىسىنىڭ ازابىن جەڭىلدەتۋ ءۇشىن ايەل ونىڭ شابىنا 3 رەت ليدوكوين ەككەن. كەيىن قانسىراعان ەر ادامدى ءوز كولىگىمەن اۋرۋحاناعا الىپ بارعان.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى