ەسكەندىر سۇلەيمەنوۆتىڭ ولىمىنە قاتىستى ءىس: سوت ۇكىمى وزگەرىسسىز قالدىرىلدى
14- قاڭتار كۇنى استانا قالالىق سوتىنىڭ قىلمىستىق ىستەر جونىندەگى اپەللياتسيالىق القاسى مۇحيتوۆانىڭ شاعىمى بويىنشا ءبىرىنشى ينستانتسياداعى سوت ۇكىمىن قايتا قارادى، دەپ حابارلايدى قازاقپارات.
بۇعان دەيىن حابارلاعانىمىزداي، بيىلعى 13- قاڭتار كۇنى 2№ ەسىل اۋداندىق سوتى ماليكا مۇحيتوۆانى ق ر قىلمىستىق كودەكسىنىڭ 345-بابى 3-بولىگى بويىنشا (ابايسىزدا ادام ولىمىنە الىپ كەلگەن جول ەرەجەسىن بۇزۋ) كىنالى دەپ تاۋىپ، قاۋىپسىزدىگى مينيمالدى تۇزەتۋ مەكەمەسىندە ەكى جىلعا باس بوستاندىعىنان ايىرۋ تۋرالى ۇكىم ەتتى. سونداي-اق ول 5 جىلعا كولىك جۇرگىزۋ قۇقىعىنان دا ايىرىلدى.
«اپەللياتسيالىق القانىڭ شەشىمىمەن ۇكىم وزگەرىسسىز قالدىرىلدى. م. مۇحيتوۆانىڭ اپەللياتسيالىق شاعىمى قاناعاتتاندىرىلمادى. ۇكىم زاڭدى كۇشىنە ەندى»، - دەلىنگەن استانا قالالىق سوتىنىڭ رەسمي سايتىندا.
ەسكە سالايىق، 2018-جىلدىڭ ماۋسىم ايىندا استانادا جول اپاتىنان اقىن ولجاس سۇلەيمەنوۆتىڭ 26 جاستاعى جيەنى ەسكەندىر سۇلەيمەنوۆ مەرت بولدى. ەسكەندىر تىزگىندەگەن موتوتسيكل قيىلىسقا شىققان كولىككە سوعىلدى. ارادا كوپ وتپەي استانا قالالىق ىشكى ىستەر دەپارتامەنتى اپاتقا سەبەپكەر بولۋى مۇمكىن Hyundai اۆتوكولىگىنىڭ يەسى، 29 جاستاعى ماليكا مۇحيتوۆاعا قاتىستى تەرگەۋ امالدارى ءجۇرىپ جاتقانىن حابارلادى. كەيىننەن م. مۇحيتوۆا قىزىلوردا وبلىستىق ءى ءى د (پوليتسيا دەپارتامەنتىنىڭ) باستىعىنىڭ قىزى ەكەنى انىقتالدى.
اتالمىش ءىس بويىنشا سوت پروتسەسى 12- قازاندا باستالدى.
سوت وتىرىستارى بارىسىندا ولجاس سۇلەيمەنوۆ جيەنىنىڭ ولىمىنە الىپ كەلگەن جول اپاتىنا كىنالى ماليكا مۇحيتوۆانى باس بوستاندىعىنان ايىرماۋدى ەكى مارتە سۇرادى. «2019-جىلدىڭ 10- قاڭتارىندا استانا قالاسىنىڭ سوتىنا حات كەلىپ ءتۇستى.
«ەسكەندىر بالا كەزىنەن كوز الدىمدا ءوستى. 1995-جىلى مەن يتاليادا ەلشى بولدىم دا، ول باستاۋىش مەكتەپكە باردى. سودان كەيىن 2001-2013-جىلدارى پاريجگە جۇمىسقا اۋىستىم. ەسكەندىر ورتا مەكتەپ پەن ۋنيۆەرسيتەتتى سول ەلدە اياقتادى. ونىڭ اتا-اناسى ەرتەرەكتە اجىراسىپ كەتكەن، سوندىقتان وسى جىلدار بويى ول ۇلىم سەكىلدى بىزبەن بىرگە تۇردى. ادۆوكات كۋرياچەنكو پاريجدەگى وقۋ ورىندارىنا سۇراۋ جىبەرىپ، زەرتتەۋ بارىسىندا ەسكەندىردىڭ ول جاقتا ەشقاشان ايىپقا تارتىلماعانى تۋرالى جاۋاپ الدى. ەسكەندىر 26 جىل بويى ءبىر ستاقان الكوگول ىشپەگەن، تەمەكى شەكپەگەن. ستۋدەنت رەتىندە فرانسيادا كولىك پەن موتوتسيكل جۇرگىزۋ قۇقىعىنا يە بولدى. ەۋروپادا ءبىر دە ءبىر ايىپپۇلسىز بىرنەشە جىلدان بەرگى كولىك جۇرگىزۋ تاجىريبەسى بار»، - دەپ اقىننىڭ حاتىن وقىپ بەردى سۋديا اسەم رامازانوۆا.
سونداي-اق جازۋشى كەلەشەكتە قىزى اكەسىنىڭ ۇستانىمىن تۇسىنەتىنىنە سەنىم ءبىلدىردى.
ءىس بويىنشا پروكۋرور ءا. بارايەۆ سوتتان ايىپتالۋشى م. مۇحيتوۆانى 2 جىلعا باس بوستاندىعىنان ايىرۋدى سۇرادى.
