بوكستان ۇلتتىق قۇرامانىڭ جاڭا كاپيتانى سايلاندى

بۇل تۋرالى АІВА اكادەمياسىنىڭ بازاسىندا ءوتىپ جاتقان وقۋ-جاتتىعۋ جيىنىندا بەلگىلى بولدى، دەپ حابارلايدى قازاقپارات Olympic.kz سايتىنا سىلتەمە جاساپ.

قوڭقابايەۆ اسا اۋىر سالماقتا سىنعا تۇسەتىن بوكسشى. ول 2017-جىلعى الەم چەمپيوناتىندا فينالعا جەتىپ، كۇمىس جۇلدەگەر اتانعان بولاتىن.

«كوماندا كاپيتانى بولۋ ۇلكەن جاۋاپكەرشىلىك جۇكتەيدى. سپورتشىلارعا ۇلگى بولىپ، جول كورسەتۋ - مىندەتىم دەپ ەسەپتەيمىن. جاڭا جىلدان باستاپ كومانداعا جاس بوكسشىلار قوسىلدى. قۇراما ءبىرشاما جاڭارىپ قالدى. باس باپكەرىمىز دە اۋىستى. سول سەبەپتى، ءبارىمىز ءبىر جۇدىرىقتاي جۇمىلىپ، قازاقستان نامىسىن ابىرويمەن قورعاۋ ءۇشىن بار كۇشىمىزدى سالامىز»، - دەدى قوڭقابايەۆ.

بۇل كۇندەرى قازاقستان بوكسشىلارى АІВА اكادەمياسىنىڭ بازاسىندا جىلدىڭ العاشقى جيىنىن وتكىزىپ جاتىر.

ەسكە سالايىق، ۇلتتىق قۇراما كاپيتانى مىندەتىن اتقارعان ادىلبەك نيازىمبەتوۆ سپورتتاعى مانسابىن اياقتاعان بولاتىن. سونداي-اق بوكستان قازاقستان ۇلتتىق قۇراماسىن 2009-جىلدان بەرى جاتتىقتىرعان مىرزاعالي ايتجانوۆ قىزمەتىنەن بوساتىلىپ، ونىڭ ورنىنا عالىمبەك كەنجەبايەۆ تاعايىندالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى