نيۋ- يوركتاعى تاريحي عيماراتتاردىڭ ءبىرى ساتۋعا قويىلدى

 عيماراتتىڭ 90 پايىزى ءابۋ- دابي مەملەكەتتىك قورى Abu Dhabi Investment Council- ءدىڭ مەنشىگىندە. 2008 -جىلى ولار عيماراتتى 800 ميلليون دوللارعا ساتىپ العان. قالعان 10 پايىزىنا Tishman Speyer Properties جىلجىمايتىن مۇلىك اگەنتتىگى يەلىك ەتەدى. ارت- دەكو تاسىلىندە سالىنعان عيماراتتىڭ بيىكتىگى 320 مەتر، 1930 -جىلى مانحەتتەندەگى 42 كوشە مەن لەكسينگتون- اۆەنيۋ قيىلىسىندا سالىنعان. سودان بەرى قالانىڭ جەكە رامىزدەرىنىڭ ءبىرى بوپ سانالادى. 1953 -جىلى عيماراتتى Chrysler Corp. كومپانياسى ساتىپ العان.

سوڭعى جارتى عاسىردان استام ۋاقىتتا ونىڭ يەسى بىرنەشە رەت وزگەرگەن. ساراپشىلار عيماراتتىڭ جاڭا يەسى تاپ كەلەتىن بىرنەشە قيىندىقتاردى اتاپ ءوتتى. مىسالى، ول ەسكىرگەن، قايتا جوندەۋ وتە قىمباتقا تۇسەدى. بۇدان باسقا عيمارات سالىنعان جەردىڭ جالداۋ اقىسى ءوسىپ كەلەدى. 2017 -جىلى 7,75 ميلليون دوللار بولعان بولسا، 2018 -جىلى 32,5 ميلليونعا كوبەيگەن. ال ماماندار 2028 -جىلى جەردى جالعا الۋ اقىسى 41 ميلليونعا دەيىن وسەتىنىن بولجاپ وتىر.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى