ايراننىڭ پايداسى: كەشكە ايران ىشكەن پايدالى ما؟
مىسالى، ايران بۇيرەك جەتىسپەۋشىلىگى بار ناۋقاستارعا ارتىق اقۋىزدىڭ كوزى رەتىندە كەرى اسەر ەتۋى مۇمكىن. ال ايراندى كەشكى ۋاقىتتا ءىشۋدىڭ دەنساۋلىققا قالاي اسەر ەتەتىنى جايلى ءالى ەشكىم زەرتتەۋ جۇرگىزبەدى. ءبىراق، ءداستۇرلى ديەتولوگيا اشىعان ءسۇت ونىمدەرى شىنىندا دا پايدالى دەپ سەندىرەدى. سەبەبى، ولار اقۋىزعا باي. سونداي- اق، ايراننىڭ قۇرامىندا سۇتكە قاراعاندا لاكتوزا از، ال بۇل لاكتازا كەمىستىگى بار ادامدارعا جاقسى اسەر ەتەدى.
ءبىز كوبىنەسە اشىعان ءسۇت ونىمدەرىندە اس قورىتۋ مەن يممۋنيتەتتى جاقسارتاتىن پايدالى باكتەريالار بار ەكەنىنە نازار اۋدارتاتىن جارنامالاردى كورەمىز. بۇل شىنىمەن دە سولاي ما؟ شىنىندا دا، يوگۋرتتىڭ قۇرامىندا لاكتوباكتەريالار، كەيدە بيفيدوباكتەريالار كوپ مولشەردە بولادى.
مۇندا ءبىز ەكى ەكسترەمالدى پوزيتسياعا كەزىگۋىمىز مۇمكىن. بىرەۋى ديسباكتەريوزدى ايرانمەن ەمدەيدى دەسە، ال ەكىنشىسى ديسباكتەريوز دەگەن بولمايدى، سوندىقتان پروبيوتيكتەر پايداسىز دەيدى. ءىس جۇزىندە ەكى پوزيتسيا دا دۇرىس ەمەس. شىنىندا، ديسباكتەريوز دەگەن دياگنوز جوق. دەگەنمەن، لاكتوباكتەريالاردىڭ كەيبىر تۇرلەرى ەلەۋلى زەرتتەۋلەردە جۇقپالى ديارەيا قاۋپىن ازايتۋعا جانە ونىڭ اعىنىن جەڭىلدەتۋگە، سونداي- اق انتيبيوتيككە بايلانىستى بولاتىن ديارەيانى ەمدەۋگە مۇمكىندىك بەرەدى. ال ايرانداعى باكتەريالار دا وسىنداي قاسيەتتەرگە يە ما، جوق پا، ونى سەنىممەن ايتۋ مۇمكىن ەمەس. ءبىراق، وندا دا وسىنداي باكتەريالار بولۋى ابدەن مۇمكىن.
ايراندى جاتاردا ءىشۋ تۋرالى ايتاتىن بولساق، ايران - جەڭىل سىڭەتىن اقۋىزدى- ماي قوسپا. سوندىقتان ول اشتىقتى الداي الادى جانە ونىڭ قۇرامىندا كالوريا از بولعاندىقتان سالماق تاستاۋعا ۇلەس قوسادى. ءبىراق، ەگەر سىزدە قىجىل، كەكىرۋ، اسقازانداعى قۇرامدى قۇسۋ سەكىلدى كەرى اعۋ اۋرۋى بار بولسا، كەشكە ايران ىشپەگەنىڭىز ءجون.
ايران ءىشۋ ارقىلى جەڭىل تاماقتانىپ ءجۇرىپ ارتىق سالماقتان ارىلۋعا بولادى. ءبىراق بۇل كۇندەلىكتى دۇرىس تاماقتانۋ مەن دەنە شىنىقتىرۋدىڭ بالاماسى ەمەس، تەك وعان قوسىمشا كومەك بولىپ تابىلادى. ال بالالار مەن ءبىرىنشى تيپتەگى قانت ديابەتىنە شالدىققان ناۋقاستارعا جەڭىل تاماقتانۋ زيان. ول اسىرەسە تسيكلدىق كەتونەميالىق قۇسۋعا بەيىم بالالاردىڭ اۋرۋىن اسقىندىرىپ جىبەرۋگە قابىلەتتى قاندا كەتوندىق دەنەلەردىڭ قۇرامىنىڭ كوبەيۋىنە اكەلۋى مۇمكىن. تۇتاستاي العاندا، مەرەكەدەن كەيىن اش ءجۇرۋ يدەياسى دۇرىس ەمەس. تاماقتان باس تارتۋ كەلەشەكتە قوماعايتىقتىڭ زيانىن وتەمەيدى. سەبەبى، اعزا ولشەنگەن تۇراقتىلىقتى شەكتەن تىس كورەدى.
ايران زياندى باكتەريالاردى ولتىرەدى
ايراندا Lactobacillus kefiri سەكىلدى بىرەگەي پروبيوتيكا بار. زەرتتەۋلەرگە سۇيەنسەك، بۇل پروبيوتيكتەر ءارتۇرلى زياندى باكتەريالاردىڭ، سونىڭ ىشىندە سالمونەللا، حەليكوباكتەر پيلوري جانە ىشەك تاياقشاسى باكتەريالارىنىڭ ءوسۋىن تەجەيدى. سونىمەن قاتار، ايراندا باكتەريالدى قاسيەتتەرى بار ايران- پوليساحاريد بار.
ايران اس قورىتۋدى جاقسارتادى
ايرانداعى پروبيوتيكتەر ىشەكتەگى پايدالى باكتەريالاردىڭ بالانسىن قالىپقا كەلتىرۋگە كومەكتەسەدى. بۇعان قاتىستى جۇرگىزىلگەن زەرتتەۋ ناتيجەلەرى پروبيوتيكتەردىڭ، اسىرەسە، ديارەيا كەزىندە ءتيىمدى ەكەندىگىن كورسەتتى.
ال دالحۋس ۋنيۆەرسيتەتىندە جۇرگىزىلگەن زەرتتەۋدە پروبيوتيكتەردىڭ جارا نەمەسە تىتىركەنگەن ىشەك سەكىلدى سيندرومداردى، ياعني اسقازان- ىشەك جولدارى اۋرۋلارىن ەمدەۋدە جانە ونىڭ الدىن الۋدا پايدالى ەكەندىگى انىقتالدى. سوندىقتان، ەگەر ءسىزدىڭ اس قورىتۋ جۇيەڭىزدە قيىندىقتار بولسا، تاماقتانۋ راتسيونىنا ايران سەكىلدى قىشقىل ءسۇت ونىمدەرىن قوسۋدى ۇسىنامىز. ءبىراق، بۇل رەتتە دارىگەرىڭىزبەن كەڭەسۋدى ۇمىتپاڭىز.
ايران سونداي- اق، اعزاسى لاكتوزا قابىلدامايتىن ادامدارعا دا كومەكتەسە الادى. بۇل سۋسىننىڭ قۇرامىندا قاراپايىم سۇتكە قاراعاندا لاكتوزا از. سەبەبى، ايران، يوگۋرت سەكىلدى فەرمەنتتەلگەن ءسۇت ونىمدەرىندە اشىعان ءسۇت باكتەريالارى لاكتوزانى ءسۇت قىشقىلىنا اينالدىرادى. سوندىقتان ايراندى تۇتىنعاننان كەيىن لاكتوزانى قابىلداماۋ بەلگىلەرى وتە ناشار بايقالادى نەمەسە مۇلدەم بولمايدى. بۇل وگايو شتاتىنىڭ ۋنيۆەرسيتەتىندەگى جۇرگىزىلگەن تاجىريبەدە دالەلدەندى. اتالعان زەرتتەۋگە لاكتازا تاپشىلىعى بار 15 ادام قاتىسىپ، ايران ءىشتى. ناتيجەسىندە تاجىريبەگە قاتىسقانداردا ادەتتە، لاكتوزاسى بار باسقا دا ونىمدەردى ىشكەننەن كەيىن پايدا بولاتىن ءىشتىڭ كەبۋى، اۋىرۋى جانە ديارەيا سياقتى سيمپتومداردىڭ بەلگىسى تومەندەيدى.
ايران دەمىكپەنىڭ الدىن الادى
ال the Journal of Immunology جۋرنالىندا جاريالانعان زەرتتەۋدە ايراننىڭ ءتۇرلى اللەرگيالىق رەاكسيالارمەن جانە دەمىكپە اۋرۋلارىمەن كۇرەسۋگە كومەكتەسە الاتىنى انىقتالدى. زەرتتەۋ بارىسىندا ايراننىڭ اللەرگيا مەن دەمىكپەنىڭ پايدا بولۋىن قوزدىراتىن قابىنۋ بەلگىلەرىن باساتىنى بەلگىلى بولدى.
ايران سۇيەكتەردى قاتايتادى
باسقا دا ءسۇت ونىمدەرى سياقتى ايراندا دا كالتسي كوپ. بۇل ەلەمەنت سۇيەكتىڭ ساۋلىلىعىنا وڭ اسەر ەتەتىندىكتەن، وستەوپوروزدىڭ دامۋىنا جول بەرمەيدى. سونىمەن قاتار، ايراننىڭ قۇرامىندا ك2 دارۋمەنى بار. ول كالتسيي مەتابوليزمىندەگى باستى ءرولدى اتقارادى. سونداي- اق، ايراننىڭ قۇرامىندا سۇيەك ءتىنىن نىعايتۋعا ىقپال ەتەتىن فوسفور، ماگني، D دارۋمەنى بار.
ايران سالماقتى باقىلاۋدا ۇستاۋعا كومەكتەسەدى
اۆسترالياداعى Curtin ۋنيۆەرسيتەتىنىڭ زەرتتەۋشىلەرى تاجىريبە جۇرگىزىپ، كۇنىنە بەس كەسە ءسۇت تاعامدارىن تۇتىنعان ادامداردىڭ ءۇش كەسە ىشكەندەرگە قاراعاندا كوپ سالماق تاستاپ، ىشتەگى مايدان ارىلعانىن انىقتادى. سونىمەن قاتار، ول ەكى توپتىڭ قاتىسۋشىلارى دا تومەن كالوريالى ديەتا ۇستاعان ەكەن.
مىسالعا، ءبىر كەسە ايراندا ورتاشا العاندا 120-150 كالوريا، 3-6 گرامم ماي جانە شامامەن 6 گرامم اقۋىز بار. ءتىپتى وسىنداي تومەن كالورياعا قاراماستان، ايران اشتىق سەزىمىن تولىعىمەن باسادى. ءبىراق ەسىڭىزدە بولسىن: مايلىلىعى %1 بولاتىن تومەن كالوريالى ايران ساتىپ الۋدىڭ قاجەتى جوق. مۇنداي ءونىم جىلدام وڭدەلىپ، بارلىق پايدالى قاسيەتتەرىن جوعالتادى، ال بۇل جاعدايدا جاي عانا سۋ ىشكەن پايدالى بولماق.
Stan.kz
