ق ر س ءى م سيريادان ورالعان قازاقستاندىقتار تۋرالى: وزدەرى ەلگە قايتارۋدى سۇرادى

«وپەراتسيانىڭ گۋمانيتارلىق سيپاتى باسىم. قازاقستاندىقتاردىڭ وزدەرى ەلگە ورالۋعا نيەت ءبىلدىردى، ءتىپتى كەيبىرى قىلمىستىق جاۋاپكەرشىلىكتى وتەۋگە دايىن بولعان»، - دەيدى ق ر س ءى م باسپا ءسوز قىزمەتىنىڭ جەتەكشىسى.

ولاردىڭ ءبىرقاتارى تۋىستارى مەن ب ا ق ارقىلى ەلگە قايتارۋدى وتىنگەن، وسىلايشا تۋىستار مەملەكەتتىك ورگاندارعا جۇگىنگەن.

«سونىمەن بىرگە، ەركىنەن تىس سيرياداعى قارۋلى قاقتىعىس ايماعىندا قالعان قازاقستاندىق بالالاردى دا ۇمىتپاعان ءجون. بالالار مەن ايەلدەر ماڭعىستاۋ وبلىسىنداعى ارنايى بەيىمدەۋ ورتالىعىنا ورنالاستىرىلدى. ولار مەديتسينالىق تەكسەرۋدەن ءوتىپ جاتىر. ولار ءبىر ايعا دەيىن وقشاۋ ۇستالادى، بارلىعى جاقىندارىمەن بايلانىستى ۋاقىتشا شەكتەۋگە كەلىستى»، - دەپ ءوز ءسوزىن تولىقتىردى ا. سمادياروۆ.

ولارمەن پسيحولوگتار، ءدىنتانۋشىلار مەن پەداگوگتار قوسىمشا جۇمىس ىستەيدى جانە جوعالعان قۇجاتتاردى قالپىنا كەلتىرۋ بويىنشا كومەك كورسەتىلەدى. كارانتين مەرزىمى اياقتالعان سوڭ، بالالار مەن ايەلدەر وزدەرىنىڭ بۇرىنعى مەكەنجايىنا جىبەرىلەدى.

«قازاقستاندىق ازاماتتار سيريا اۋماعىندا «سيريا دەموكراتيالىق كۇشتەرىنە» ءوز ەرىكتەرىمەن بەرىلگەن جانە ءبىزدىڭ ارنايى قىزمەتتەر مەن اسكەريلەردىڭ قاتىسۋىمەن وزگە مەملەكەتتەر ارقىلى قازاقستانعا جەتكىزىلدى. قازاقستاندىق ايەلدەر مەن بالالاردى ەلگە قايتارۋ پروتسەسى ءالى اياقتالعان جوق. سوندىقتان، قاۋىپسىزدىك ماقساتىندا قۇتقارۋدىڭ ءمان- جايى مەن شەتەلدىك قاتىسۋشىلار تۋرالى دەرەك قۇپيا ساقتالادى»، - دەدى ايبەك سمادياروۆ.

ەسكە سالا كەتسەك، نۇرسۇلتان نازاربايەۆ سيريادان قازاقستان ازاماتتارىن ەۆاكۋاتسيالاۋ بويىنشا گۋمانيتارلىق وپەراتسياعا بايلانىستى مالىمدەمە جاساعان بولاتىن.

مەملەكەت باسشىسى اتاپ وتكەندەي، 6- قاڭتاردا قۇقىق قورعاۋ ورگاندارى مەن سىرتقى ىستەر مينيسترلىگى جۇرگىزگەن گۋمانيتارلىق شارا ناتيجەسىندە سيريادان قازاقستاننىڭ 47 ازاماتى، سونىڭ ىشىندە 30 بالا ەلگە قايتارىلدى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى