اقسۋ قالاسىندا بيلەر كەڭەسى قۇرىلدى
«بيلەر سوتىن اقسۋ قالاسىنىڭ قۇرمەتتى ازاماتى باكىجان ومىربايەۆ باسقاردى. كەڭەستىڭ قۇرامىنا كاسىبي ەمەس مەدياتور زالمۇحان ارىنوۆ پەن كاسىبي مەدياتور اباي قاسىمبەكوۆ ەندى»، - دەدى قالالىق اكىمدىكتىڭ باسپا ءسوز قىزمەتىندە.
بيلەر سوتىنىڭ ماقساتى - دوستىق پەن ءوزارا سەنىم نەگىزىندە تۇرعىندار اراسىنداعى داۋلاردى تاتۋلىقپەن شەشۋ، قوعامدا ءوزارا سىيلاستىق پەن تۇسىنۋشىلىككە باعىتتالعان قارىم- قاتىناستى ورناتۋ.
اقسۋ قالالىق سوتىنىڭ ءتوراعاسى مارات دايكەنوۆتىڭ ايتۋىنشا، بيلەر سوتى قوعامداعى داۋلى سۇراقتاردى سوتقا جەتكىزبەي شەشۋگە جانە جانجالدىڭ سانىن ازايتۋعا، تاراپتارعا داۋدى شەشۋ جولىنىڭ وڭتايلى ءادىسىن قابىلداۋعا كومەكتەسەدى.
**
مەدياتور سۋديانى الماستىرمايدى. ول جەكە جانە زاڭدى تۇلعالار ءۇشىن داۋلاردى شەشۋدىڭ بالاما نەعۇرلىم از شىعىندى ءتاسىلىن ۇسىنادى. مەدياتور - بۇل سوت جۇيەسىنە جاتپايتىن جانە سوت كومەكشىسى بولىپ تابىلمايتىن كاسىبي دەلدال. مەدياتورعا جانجالداردى رەتتەۋگە ازاماتتاردىڭ وزدەرى جۇگىنەدى. ول ءوز كەزەگىندە ولاردىڭ داۋلارىن تالقىلاۋ بارىسىندا تاراپتاردى ءوز كەزەگىندە شەشىم تابۋعا كومەكتەسەدى.
مەدياتور - زاڭنىڭ تالاپتارىنا سايكەس كاسىبي جانە كاسىبي ەمەس نەگىزدە مەدياتسيا جۇرگىزۋ ءۇشىن تاراپتارمەن قاتىستىرىلاتىن تاۋەلسىز جەكە تۇلعا.
