ءبىز نە ءۇشىن سۋرەتكە تۇسىرەمىز؟

 ەندى سۇراق: شىنىمەن فوتوسۋرەتتەر ءبىزدىڭ ەستەلىكتەرىمىزدى جارقىن ەتە تۇسە مە؟ 2017 -جىلى Science Of Us (قازىر:thecut.com) پورتالىندا فوتوسۋرەتتەردىڭ ءبىزدىڭ جادىمىزعا قالاي اسەر ەتەتىندىگى جونىندە بىرنەشە زەرتتەۋ جۇمىستارى جارىققا شىققان بولاتىن. ماقالادا كورسەتىلگەن ەڭ ماڭىزدى سەبەپتەردى ءبىز بىلايشا جىكتەمىز:

 • فوتوسۋرەتتەر كەيبىر ساتتەردى ءار بولشەگىنە دەيىن ساقتاۋعا مۇمكىندىك بەرەدى. ءتىپتى، ءسىزدىڭ ول سۋرەتكە قايتا قاراۋىڭىز ماڭىزدى ەمەس. بۇنداي قورىتىندىعى امەريكالىق عالىمدارعا توقتالعان: جۇمىس ناتيجەسىن Psychological Science جۋرنالىندا جاريالاعان. زەرتتەۋ جۇمىسىنا 294 ادام قاتىسقان: ولار اۋديوگيد ارقىلى ەترۋسكتەر ارتەفاكتىسى بەينەلەگەن كورمەنى ارالاعان. قاتىسۋشىلاردىڭ جارتىسى فوتواپپارات العان. ولارعا تەك ەڭ از دەگەندە 10 سۋرەت ءتۇسىرۋ تاپسىرىلعان. ەكسكۋرسيا اياقتالعان سوڭ قاتىسۋشىلاردىڭ بارلىعىنا كورمە تۋرالى سۇراقتار قويىلعان. ناتيجەسىندە سۋرەتكە تۇسىرگەن قاتىسۋشىلار%7 ارتىق بەلسەندىلىك تانىتىپ، كورمەگە قاتىستى سۇراقتارعا دۇرىس جاۋاپ بەرگەن.

 • كەرىسىنشە، وزگە زەرتتەۋشىلەر پىكىرمەن كەلىسپەيدى. 2014 -جىلى فەرفيلد ۋنيۆەرسيتەتىنىڭ پسيحولوگ مامانى ليندا حەنكەل 27 ادامنان مۇراجايدى ارالاۋدى تالاپ ەتكەن. ولاردىڭ جارتىسى عانا سۋرەتكە تۇسىرگەن. ناتيجەسىندە قولىندا كامەراسى بولماعان قاتىسۋشىلار ەكسپوناتتاردى جاقسى ەستە ساقتاعان. زەرتتەۋشى ودان بولەك 1960 -جىلدارى پايدا بولعان تەوريانى ەسەپكە الادى: ادام ساناسىنا اقپاراتتى ساقتاۋدىڭ قاجەتى جوق ەكەنىن تۇسىنگەن بويدا ۇمىتادى. حەنكەل تەورياسىنا سۇيەنسەك، ەگەر ادامدا فوتو بولسا، ونىڭ ساناسى اقپاراتتى «ماڭىزدى» دەگەن ساناتتان شىعارىپ تاستايدى. وسىعان بايلانىستى پسيحولوگياداعى مىنانداي فەنومەندى ۇسىنامىز: ونى عىلىمدا «كوگنيتيۆتى بوساتۋ» دەپ اتالادى. ول ميدىڭ وزگە ارەكەتتەردى پايدالانا وتىرىپ، ءوز جۇمىسىن جەڭىلدەتۋمەن تۇسىندىرىلەدى. مىسالى، دۇكەنگە باراردا كەرەكتى زاتتاردىڭ ءتىزىمىن جاسايسىز. ەسەسىنە، ميىڭىزعا قانداي زات كەرەكتىگىن ەستە ساقتاۋ ارقىلى ارتىق كۇش تۇسپەيدى.

 • ودان بولەك، وڭتۇستىك كاليفورنيا ۋنيەرسيتەتىنىڭ پسيحولوگ مامانى كريستين ءديلدىڭ ويىنشا، فوتوسۋرەت -  كوگنيتيۆتى بوساتۋدى ىسكە اسىراتىن قۇرال ەمەس. ول دا تاجىريبە جۇرگىزگەن. مۇراجايعا كەلۋشىلەردى ءۇش توپقا بولگەن: العاشقى ەكى توپقا فوتواپپارات بەرىلگەن. ءبىرىنشى توپقا فوتوسۋرەتتى ساقتاۋ تاپسىرىلسا، ەكىنشىسىنە ونى ءوشىرۋ جۇكتەلگەن. ال، ءۇشىنشى توپ مۇلدەم سۋرەتكە تۇسىرمەگەن. تەوريا بويىنشا، سۋرەتكە ءتۇسىرىپ، ونى ساقتاپ قالعاندار كورمە تۋرالى اقپاراتتى جادىندا ساقتاماۋى ءتيىس بولاتىن: ويتكەنى، بار اقپاراتتى ولار سۋرەتكە «كوشىرەدى» . دەگەنمەن، ناتيجە بويىنشا ءۇش توپتىڭ اراسىندا ايتارلىق ايىرماشىلىق بايقالماعان. ديل بۇنى موتيۆاتسيا ماسەلەسى بويىنشا ءتۇسىندىردى: ەگەر ءبىز اقپاراتتى قاعازعا كوشىرۋ ارقىلى، ميىمىزدى ارتىق اقپاراتتان تازارتساق، فوتوسۋرەتكە ەستەلىكتەردى جادىمىزدا ساقتاپ قالۋ ءۇشىن تۇسىرەمىز.

تاعى ءبىر زەرتتەۋ جۇمىسى كەزىندە ديل مەن ارىپتەستەرى ارحەولوگيالىق مۇراجايعا كەلگەن 51 ادامنىڭ كورۋ جۇيەسى ارقىلى ەستە ساقتاۋ قابىلەتىنە تاجىريبە جۇرگىزدى. فوتواپپاراتى بار ادامدار ەكپوناتتاردى قاراۋعا الدەقايدا ۇزاق ۋاقىت جۇمساعان. ناتيجەسىندە فوتوعا تۇسىرگەن قاتىسۋشىلار زاتتاردىڭ ءار بولشەگىن ەستە جاقسى ساقتاعان. دەگەنمەن، اۋديوگيد ايتقان اقپاراتتى ەستە ساقتاۋ ولارعا قيىنعا سوققان. عالىمداردىڭ ويىنشا، ءبىزدىڭ نازارىمىز شەكتەۋلى، ەگەر كوزبەن كورۋ ارقىلى ەستە ساقتاۋ جۇيەسىنە كوبىرەك نازار اۋدارساق، وزگە سەزىم جۇيەسى ءوز جۇمىسىن بەلسەندى اتقارا المايدى. زەرتتەۋشىلەر پىكىرى وسىنداي، ال ءسىز نە ءۇشىن سۋرەتكە تۇسىرەسىز؟

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى