بالعىنبەك يماشيەۆ: ءتورت قۇبىلاسىن تەڭ ۇستاي المايتىن ەركەك تىراشتانباي ءبىر ايەل الادى
«ماعان كوپ ايەلدەر كومەك سۇراپ حابارلاسىپ جاتادى. كۇيەۋىڭىز قايدا دەپ سۇراسام، بالا- شاعاسىن تاستاپ باسقا ايەلگە كەتىپ قالدى دەيدى. بۇل ايەلدەردىڭ توزىمسىزدىگى مە الدە ەركەكتىڭ جاۋاپسىزدىعى ما؟ يسلام 4 ايەلگە دەيىن ۇيلەنۋگە رۇقسات ەتكەنمەن ۇلكەن جاۋاپكەرشىلىكتى، ادىلەتتى تالاپ ەتەدى. ءبىر ايەلىن اسىراي الماعان، ۇرىپ- سوققان، جابىرلەگەن ەركەككە ۇيلەنۋگە رۇقسات جوق»، - دەپ جازدى ايتىسكەر جەلىدەگى پاراقشاسىندا.
ايتىسكەر ايەلدەرگە قول كوتەرەتىن ەركەكتەر جايلى كوزقاراسىن ءبىلدىردى.
«ءبارىمىز ءالسىز پەندەمىز، ءبىراق ءالسىز ايەلدەرگە زورلىق كورسەتكەن ەركەك - قۇلدىراعان زالىم، ايەلىنىڭ الدىندا السىزدىك تانىتقان ەركەك - بۇلدىراعان ساعىم، ايەلىنە اقىلشى، قورعان، باسشى بولعان ەركەك قانا - شىن عۇلاما عالىم.
ايەل بىرەۋ بولسا، اقىلدى بولسا ەرىنە تىرەۋ بولار،
ەكەۋ بولسا، ەكەۋىنىڭ تىرلىگى ەكى جاقتان تەرىڭدى ىرەۋ بولار.
ۇشەۋ بولسا، كۇيەۋىنىڭ كوڭىلى جۇدەۋ بولار،
تورتەۋ بولسا، ءتورت قۇبىلاسى تۇگەل بولار!
سوندىقتان، ءتورت قۇبىلاسىن تەڭ ۇستاي المايتىن ەركەك تىراشتانباي «يمانىنىڭ جارتىسى» بولاتىن بىرەۋدى الار»، - دەپ جازدى.
«ايەلىنە قول كوتەرەتىن ەركەكتەر وتە ءالسىز»، «وتە ورىندى ايتتىڭىز، ءسىز سەكىلدى اقىل ايتار اعالارىمىز امان بولسىن»، - دەپ جازدى جەلىدەگىلەر.
Stan.kz
