يەلەرىنە شابۋىل جاساعان ارىستان الماتى زووباعىندا قالاي ءومىر ءسۇرىپ جاتىر
ابدان 2015 -جىلدىڭ 9 - قاڭتاردا دۇنيەگە كەلگەن. 2016 -جىلى قاڭتار ايىنىڭ باسىندا يەلەرى الماتى زووباعىنا وتكىزگەن. بۇرىنعى قوجايىندارى سۇيكىمدى ارىستان كۇشىگىن قولدان ساتىپ العان. ادەتتە، ادامدار جىرتقىش اڭداردىڭ كۇشىكتەرىن ەرمەك رەتىندە اسىرايتىنى بەلگىلى. ال كەيىن مۇنداي اڭدار وسە كەلە، وزدەرىنىڭ يەلەرىن «ەرمەككە» اينالدىرادى، تىستەلەپ مازالارىن الا باستايدى.
8-9 ايلىعىندا ءتىسى باتقان سوڭ قوجايىندارى ابداندى امالسىز زووباققا وتكىزگەن ەدى. 3 جىلدا حامزات ەرەسەك ارىستانعا اينالدى.
«قازىر ونىڭ قاسىنا دانا ەسىمدى ۇرعاشى ارىستان قوستىق. تۋعان كۇن كەشىنە ارنايى جايىلعان داستارحاندى ەكەۋى شاشىپ تاستادى. ءبىرىنشى ۇرعاشى ارىستان تاماقتاندى. سوسىن وعان حامزات قوسىلدى. زووباقتى تاماشالاۋعا كەلگەن بالالار مەن ەرەسەكتەر بۇل كورىنىسكە ءماز بولدى»، - دەدى سەكسيا باسقارۋشىسى داۋرەن كەنجەبايەۆ.
ول 10 جىلدان بەرى زووباقتاعى جىرتقىش جانۋارلاردى باعىپ- قاعۋمەن اينالىسىپ كەلەدى.
اۆتور: گۇلميرا عوسمانالي
