شىمكەنتتە ساربازدارعا سارقىت ۇلەستىرىلدى
ءىس- شارا اياسىندا اق جاۋلىقتى انالار مەن ەتنومادەني بىرلەستىكتەردىڭ مۇشەلەرى اسكەر قاتارىنا جاڭادان قابىلدانعان ساربازدارعا مەرەكەلىك سارقىت تاراتتى، دەپ حابارلايدى قازاقپارات ءتىلشىسى.
قازاقستان حالقى اسسامبلەياسىنىڭ ءداستۇرلى «قايىرىمدىلىق كەرۋەنى» اكسياسى اياسىندا ۇيىمداستىرىلعان شارا بيىل «مەيىرىمدىلىكپەن بىرلىككە!» ۇرانىمەن باستالدى. يگى شارادا قالالىق «قوعامدىق كەلىسىم» كمم باسشىسى ەربول بايقوناقوۆ پەن ءبىرقاتار ەتنومادەني بىرلەستىك ءتوراعالارى ءسوز سويلەپ، قايىرىمدىلىق جاساۋدىڭ ماڭىزىنا توقتالدى.
«سارقىتتى قازاق حالقى «ۇلكەن كىسىلەردىڭ جولىن بەرسىن، ابىرويىن بەرسىن» دەگەن ىرىممەن جاستارعا جەگىزگەن. وسىنى ەسكەرگەن اسسامبلەيا مۇشەلەرى وتان الدىنداعى بورىشىن وتەپ جۇرگەن ساربازدارعا ەلدەن سالەمدە رەتىندە باۋىرساق، قۇرت، ىرىمشىك، جەنت- تالقان سىندى ۇلتتىق تاعامدارىمىزدى ۇلەستىردىك. ىنتىماعى ىرىستى، بىرلىگى بەكەم ەلىمىزدى قورعاۋدا تاباندىلىق پەن ەرىك- جىگەر تىلەدىك» ، - دەدى قالالىق «ىنتىماق» ەتنوسارالىق مادەني بىرلەستىگىنىڭ ءتورايىمى گاۋحار تولەپوۆا.
شارا بارىسىندا ساربازدار سونداي- اق «كوركەم» اجەلەر توبى دايىنداعان كونسەرتتىك باعدارلامانى تاماشالادى.
اسسامبلەيا مۇشەلەرىنىڭ سوزىنشە، جىل سوڭىنا سوڭىنا دەيىن جالعاساتىن قايىرىمدىلىق ءىس- شارالارى اياسىندا اي سايىن ارنايى اتاۋمەن قايىرىمدىلىق ىستەرى جاسالادى. ماسەلەن. , قارتتار مەن جەتىمدەرگە، ناۋقاس ازاماتتار مەن كومەككە مۇقتاج جاندارعا كوڭىل بولىنبەك. ماتەريالدىق كومەك كورسەتىلەدى. وعان اسسامبلەيا جانىنداعى قۇرىلىمدار مەن «جاڭعىرۋ جولى» جاستار قوزعالىسىنىڭ بەلسەندىلەرى، ەتنومادەني بىرلەستىكتەر مەن وڭىردەگى مەتسەناتتار اتسالىسپاق.
