مەملەكەتتىك قىزمەتشىلەرگە العىس ايتۋدىڭ زاڭدى جولدارى قانداي
اتالعان جادىنامانى «قوستاناي - ادالدىق الاڭى» جوبالىق كەڭسەسىنىڭ قىزمەتكەرلەرى جاساپ شىعاردى.
«جەلتوقسان- ناۋرىز ايلارى ءتۇرلى مەرەكەلەرگە تولى. سول سەبەپتى تۇرعىندار قىزمەت كورسەتكەن مەكەمە قىزمەتكەرلەرىنە سىيلىق جاساعىسى كەلۋى مۇمكىن. دەگەنمەن، مەملەكەتتىك قىزمەتكەرلەرگە جەكە جانە زاڭدى تۇلعالاردان سىيلىق الۋعا، ەمدىك- ساۋىقتىرۋ جانە دەمالىس جولدامالارىن قابىلداۋعا قاتاڭ تىيىم سالىنعانىن تاعى ءبىر ەسكە سالامىن. ال، زاڭسىز الىنعان سىياقىلار مەملەكەتتىك بيۋدجەتكە تاپسىرىلادى. سوندىقتان، ءبىز ۇسىنعان جادىنامادا سىيلىقتارعا تىيىم سالۋ تۋرالى تىكەلەي ەسكەرتۋدەن بولەك، كورسەتىلگەن قىزمەت ءۇشىن مەكەمە ماماندارىنا ريزاشىلىق ءبىلدىرۋدىڭ تاسىلدەرى جازىلعان» ، - دەيدى «قوستاناي - ادالدىق الاڭى» جوبالىق كەڭسەسىنىڭ جەتەكشىسى ەۆگەني بەدىچ.
سونىمەن، مەملەكەتتىك قىزمەتشىلەرگە قالاي العىس بىلدىرۋگە بولادى؟ جادىنامانىڭ ەرەجەسىنە ساي، مەملەكەتتىك قىزمەتشىلەرگە ارنايى تەرمينالدا جانە شاعىمدار مەن وتىنىشتەر كىتابىندا وڭ پىكىر جازۋ ۇسىنىلادى. بۇعان قوسا، الەۋمەتتىك جەلىلەردى پايدالانىپ، قىزمەتشىلەردىڭ جۇمىسىن باعالاۋعا رۇقسات ەتىلەدى.
ەسكە سالايىق، «قوستاناي - ادالدىق الاڭى» جوبالىق كەڭسەسى بىلتىر جەلتوقسان ايىندا اشىلعان. باستى ماقسات - تۇرمىستىق سىبايلاس جەمقورلىقتىڭ جولىن كەسىپ، ونىڭ دەڭگەيىن تومەندەتۋ جانە ازاماتتارعا قولايلى جاعداي جاساۋ. بۇل تۇرعىندارعا قاجەتتى قىزمەت ءتۇرىن كەدەرگىسىز الۋعا جول اشادى. ازاماتتار سىبايلاس جەمقورلىققا قاتىستى دەرەكتەردى وسى جەرگە حابارلاۋعا بولادى.
