باقىت سۇلتانوۆ الەۋمەتتىك سالادا اتقاراتىن جۇمىستارىمەن ءبولىستى
بۇل تۋرالى بۇگىن شاھار اكىمى باقىت سۇلتانوۆ قالا اكتيۆىمەن وتكەن جىلدى قورىتىندىلاۋعا ارنالعان جيىندا ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، وتكەن جىلى 2019-2023-جىلدارعا ارنالعان استانا قالاسىنىڭ جيناقى قۇرىلىسى تۋرالى كەشەندى جوسپار قابىلدانعان. وسى رەتتە اكىم اتالعان جوسپاردىڭ نەگىزگى باعىتتارىنا توقتالدى.
«اۆتوموبيلدەنۋ دەڭگەيىنىڭ جىل سايىنعى 8-9 پايىزعا ءوسىمىن ەسكەرە وتىرىپ، كولىك ينفراقۇرىلىمى سالاسىندا 2023 -جىلعا دەيىن 121 شاقىرىم جول، 2 كولىك جول ايىرىعىن، 3 كوپىر، 1 جول قۇبىرىن، 1 جەر استى جولىن جانە جەڭىل رەلستى كولىكتىڭ 1 كەزەڭىن سالۋ جوسپارلانعان. ءبىلىم بەرۋ سالاسىندا 2030-جىلعا دەيىن ەلورداعا قونىس اۋدارۋشىلاردىڭ ەسەبىنەن مەكتەپ جاسىنداعى بالالار كونتينگەنتىنىڭ ءوسىمى 124 مىڭ جاڭا وقۋ ورنىن قۇرايتىن بولادى. تاپشىلىقتى جويۋ ءۇشىن 37 مەكتەپ جانە 10 جاپسارلاس نىسان سالىنادى»، - دەدى ول.
سونىمەن قاتار، قالا اكىمى بالالاردى مەكتەپكە دەيىنگى بىلىممەن 100 پايىز قامتاماسىز ەتۋ ءۇشىن جاڭا 25 بالاباقشا سالىناتىنىن دا اتاپ ءوتتى. دەنساۋلىق سالاسىندا 15 نىسان سالىناتىنىن ايتتى.
«حالىققا تۇرعىن ءۇي-كوممۋنالىق قىزمەتتەردىڭ ساپالى كورسەتۋدى قامتاماسىز ەتۋ ماقساتىندا 150 شاقىرىم سۋمەن جابدىقتاۋ، 81 شاقىرىم سۋ بۇرۋ جەلىسى سالىنادى. ج ە س-2 ءى جاڭعىرتۋ 2-2,5 ميلليون شارشى مەتر تۇرعىن ءۇي جانە كوممتسەرتسيالىق الاڭدى ورتالىقتانىرىلعان جىلۋمەن قامتۋعا مۇمكىندىك بەرەدى. ال ج ە س-3 ءتىڭ ءبىرىنشى كەزەڭىنىڭ قۇرىلىسى قالانىڭ باتىس جانە سول جاعالاۋ بولىگىن جىلمەن قامتاماسىز ەتەدى. قۋاتى 418 گ ك ا ل/ساعاتتى قۇرايتىن ج ە س-3 ءتىڭ ەكىنشى كەزەڭىن مەملەكەتتىك-جەكەشەلىك سەرىكتەستىك ارقىلى جۇزەگە اسىرۋ جوسپارلانعان»، - دەدى سۇلتانوۆ.
