قازاقستاندىق كاسىپقوي بوكسشى قىز جەكپە-جەكتەردەن قانشا تاباتىنى ايتىلدى
«ەۆا ۆالسترەممەن جەكپە-جەكتى كوكتەمگە اۋىستىرۋ تۋرالى كەلىسىم بار، شامامەن ناۋرىزدا بولاتىن شىعار. داتاسىن اقىلداستىق، ارەناعا تاپسىرىس تا بەرىپ قويدىق. مەنىڭشە، كەلەسى اپتادا ناقتى ايقىن بولادى. ۆالسترەمنىڭ الدىندا الماتىدا ارالىق جەكپە-جەك وتكىزۋ ويدا بار. ونى قاڭتاردا ۇيىمداستىرعىمىز كەلەدى، بۇل فيرۋزا ءۇشىن ءۇشىنشى سالماق بولادى. الايدا، قارجىلاي كومەك كەرەك. فيرۋزا قازاقستاننىڭ تۋىن ەڭ جوعارى دەڭگەيدە كوتەرىپ ءجۇر، ونىڭ ءبىر جەكپە-جەگى جارتى ميلليون دوللار تۇرادى. جالپى، 2019-جىلى ءتورت جەكپە-جەك وتكىزۋ جوسپارلانۋدا»، - دەدى سەرگەي زاۆيلەيسكي Alash Pride TV- عا بەرگەن سۇحباتىندا.
سونداي-اق ونىڭ ايتۋىنشا، ا ق ش- تا ۇلكەن جەكپە-جەكتەر وتكىزۋگە ۇسىنىستار جاسالعان.
«ا ق ش- تا ۇلكەن ايقاستارعا ۇسىنىستار ءتۇستى. ءبىراق، گەننادي گولوۆكين ارقىلى بىلەسىزدەر، وندا تورەلىكپەن كەيبىر قيىندىقتار تۋىندايدى. ءبارىنىڭ ءوز ۋاقىتى بار، ءبىز تاۋەكەل ەتكىمىز كەلمەيدى. تاعى ازداعان ۋاقىتتان سوڭ فيرۋزا الدىنا كەلگەننىڭ ءبارىن نوكاۋتقا تۇسىرەتىن بولادى دەپ ويلايمىن. سوندا بىزگە تورەشىلەردىڭ شەشىمى قاجەت بولمايدى، ا ق ش- تا ءبارىن جۇدىرىقتايمىز»، - دەدى ول.
