بەيجىڭدە مەكتەپ وقۋشىلارىنا شابۋىل جاسالدى
Reuters اگەنتتىگىنىڭ حابارلاۋىنشا، شابۋىل جاساعان ادامدى پوليتسيا ۇستادى. ونىڭ كىم ەكەنى جانە شابۋىلدى نە ءۇشىن جاساعانى انىقتالىپ جاتىر.
جەرگىلىكتى بيلىك شابۋىلعا قاتىستى وزگە اقپارات بەرمەي وتىر. پوليتسيا وقيعاعا تۇسىنىك بەرۋدەن باس تارتتى. الەۋمەتتىك جەلىلەردە جاريالانعان اقپارات بويىنشا، بالالاردى پىشاقتاعان. Xinhua اگەنتتىگىنىڭ حابارلاۋىنشا، دارىگەرلەر ولاردىڭ ومىرىنە قاۋىپ جوعىن ايتادى.
قىتايدا بۇرىن بالالار شابۋىلعا سيرەك ۇشىرايتىن. الايدا سوڭعى كەزدە مۇنداي وقيعالار جيىلەگەن. بىلتىر ماۋسىمنىڭ سوڭىندا شاڭحايدا ەر ادام مەكتەپتەردىڭ ءبىرىنىڭ ماڭىندا بالالارعا پىشاق جۇمساعان. سالدارىنان ەكى بالا قازا تاۋىپ، بىرەۋى جارالانعان. كەيىن شابۋىلداعان ادامنىڭ شاڭحايعا كەلىپ، جۇمىس تابا الماعانى، قوعامنان شابۋىل جاساپ كەك الماق بولعانى انىقتالعان.
بىلتىر ءساۋىردىڭ سوڭىندا شانسي پروۆينتسياسىندا ەر ادام مەكتەپ جانىندا بالالارعا پىشاقپەن شابۋىلداپ، 7 بالا قازا تاپقان. بىلتىر قاڭتاردا قىتايدىڭ وڭتۇستىگىندە بەلگىسىز ادام 12 بالانى پىشاقتاپ ولتىرگەن. قىلمىسكەرگە تاياۋدا ءولىم جازاسى ورىندالعان.
«ازاتتىق»
