استاناداعى «بايتەرەك» مونۋمەنتىن وتكەن جىلى قانشا ادام تاماشالاعانى جاريالاندى

وتكەن جىلى 500 مىڭنان اسا استانا قوناقتارى مەن تۋريستەر وسى نىسانعا بارىپ، قالانىڭ سول جاعالاۋىن بيىكتەن تاماشالاعان، دەپ حابارلايدى قالالىق مادەنيەت جانە سپورت باسقارماسى.

رەسمي مالىمەتتەرە سۇيەنسەك، 2018 -جىلى «بايتەرەك» مونۋمەنتىنە 584465 ادام ەكسكۋرسيالاعان. نىساندى تاماشالاۋعا كەلگەن حالىق سانى، اسىرەسە، جاز ايلارىندا كۇرت ارتتى. شىلدە ايىندا 106902 كەلۋشى تىركەلگەن. تامىزدا «بايتەرەكتى» 97 مىڭعا جۋىق قوناق كورسە، ماۋسىمدا بۇل كورسەتكىش - 78 مىڭنان اسقان.

«بايتەرەك» مونۋمەنتى 2002 -جىلى سالىندى. قۇرىلىستىڭ بيىكتىگى - 100 مەتر، كونسترۋكسيانىڭ باسىنداعى شارمەن قوسا العاندا - 105 مەتر. شاردىڭ ديامەترى - 22 مەتر.

ايتا كەتەيىك، ەلوردادا «ەكسپو-2017» حالىقارالىق مامانداندىرىلعان كورمەسىن وتكىزۋ كەزىندە مونۋمەنتكە كەلۋشىلەر سانى رەكوردتى كورسەتكىشكە جەتكەن. جارتى جىلدىڭ ىشىندە، 2017 -جىلدىڭ مامىر- جەلتوقسان ايلارىندا مونۋمەنتتى 500 مىڭنان اسا ادام تاماشالاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى