اقسۋلىق بيشىلەر حالىقارالىق بايقاۋدا باس جۇلدەنى جەڭىپ الدى
اقسۋ قالاسى اكىمى باسپا ءسوز قىزمەتىنىڭ مالىمەتىنشە، اتالمىش بايقاۋ وسىدان ءۇش جىل بۇرىن العاش رەت قازاقستان، رەسەي جانە بولگاريا ەلدەرىنىڭ ۇيىمداستىرۋىمەن باستاۋ العان. سودان بەرى تالاي دۇلدۇلدەر مەن بۇلبۇلداردىڭ باعىن اشقان ءداستۇرلى دودادا بۇل جولى 190 ءبيدىڭ ىشىنەن «ايگولەك» ۇلگىلى ءبي ءانسامبلىنىڭ ونەرى جوعارى باعالاندى.
ولار بايقاۋعا ءتورت ءبي دايىنداپ بارعان. جۇرتشىلىق نازارىنا قازاقتىڭ «توي دۋمان»، ۇيعىردىڭ «ساديانا»، ارنايى تاپسىرما بويىنشا «روزا جايلى ءبي» جانە «قىسقى راپسوديا» بيلەرى ۇسىنىلدى.
بۇدان بولەك، «ۇلتتىق ءبي» نوميناتسياسىندا 15-19 جاس ارالىعىندا گۇلزات تاستەمىر «اۆريشيم» بيىمەن ءبىرىنشى دارەجەلى لاۋرەات اتاعىنا لايىق دەپ تانىلدى.
- بايقاۋدا ءبىزدىڭ بيلەرىمىز ۇلتتىق بوياۋ، حالىقتىق ناقىشىمەن ەستە قالدى، - دەيدى ءبي توبىنىڭ جەتەكشىسى دينارا زەمبايەۆا. - رەپەرتۋارىمىز قازىلار القاسى مۇشەلەرىنىڭ كوڭىلىنەن شىقتى. جەڭىمپازدارعا الداعى ۋاقىتتا بولگاريانىڭ وبزور قالاسىندا وتەتىن بايقاۋعا جولداما مەن اقشالاي سەرتيفيكات تابىستالدى. سونىمەن قاتار، جەتەكشىلەر «جوعارى پەداگوگيكالىق شەبەرلىگى» مەن ۇجىمىمىز «ۇزدىك بالەتمەيستەر جۇمىسى ءۇشىن» ديپلومدارعا يە بولدى.
ايتا كەتەرلىگى، ۇجىمداعى ۇلدار الماتى قالاسىنداعى ا. سەلەزنيەۆ اتىنداعى حورەوگرافيالىق ۋچيليشەگە وقۋعا شاقىرۋ الدى. بۇل بالالاردىڭ بارلىعى اقسۋ قالاسىنداعى دارىندى بالالارعا ارنالعان مامانداندىرىلعان گيمنازيانىڭ شاكىرتتەرى.
