ءىلياس جانسۇگىروۆتىڭ «قۇلاگەر» پوەماسى اعىلشىن تىلىندە جارىق كوردى
«قازاقتىڭ تاعى ءبىر ۇلى تۋىندىسى جاھاندانۋ زامانىنا ساپار شەكتى. ءىلياس جانسۇگىروۆتىڭ ۇلى شىعارماسى «قۇلاگەر» پوەماسى اعىلشىن تىلىندە جارىق كوردى. اعىلشىن تىلىندەگى باسىلىمعا ۇيىتقى بولعان جانار جاندوسوۆانى، اۋدارماشى بەليندانى، اقىننىڭ ءومىرى مەن شىعارماشىلىعىنا تەرەڭ تالداۋ جاساپ، ءالعىسوز جازعان زيفا اۋەزوۆانى، كىتاپتى رۋحىن قازاقشا، فورماسىن ەۋروپاشا بەزەندىرگەن داۋرەن قاستەيەۆتى قۇتتىقتايمىز!
كونە قۇرلىققا ساپارىڭ وڭ بولسىن، «قۇلاگەر» داستان!» ، - دەپ جازدى قالدىگۇل جانىبايەۆا.
ەسكە سالا كەتسەك، 2016 -جىلى پوەما نەمىس تىلىنە قازاقشا ءتۇپنۇسقاسىنان تىكەلەي اۋدارىلىپ، قازاقستان- گەتە ينستيتۋتىنىڭ قولداۋىمەن «Büchergildە» (گەرمانيا) باسپاسىندا باسىلىپ شىققان بولاتىن.
