قاراعاندىداعى كىسى ءولىمى: كۇدىكتى رەسەيگە قالاي ءوتىپ كەتتى

«ىزدەۋ جاريالانعان ادامعا توقتالساق، ول پاۆلودار وبلىسىنداعى بەكەت ارقىلى رەسەي اۋماعىنا شەكارا اسىپ كەتتى. بۇل مالىمەتتى ءبىز جەدەل- تەرگەۋ شارالارىن وتكىزۋ بارىسىندا انىقتادىق. ول شەكارانى 1 - قاڭتار كۇنى ساعات 22:00 دەن كەيىن كەسىپ وتكەن» ، - دەدى ق ر ىشكى ىستەر ءمينيسترىنىڭ ءبىرىنشى ورىنباسارى جانات سۇلەيمەنوۆ ورتالىق كوممۋنيكاتسيالار قىزمەتىندە.

وسى ورايدا ول قوسىمشا دەرەكتەردى انىقتاۋ ءۇشىن قازاقستاندىق تەرگەۋشىلەر رەسەي مەن ارمەنياعا باعىتتالعانىن ەسكە سالدى.

«وسى ەلدەردەگى ارىپتەستەرمەن ءوزارا ءىس- قيمىل ماسەلەلەرىن پىسىقتاپ جاتىرمىز. ونىڭ (كۇدىكتى) مالىمدەمەسى قازاقستانعا ورالۋىنا ىقپال ەتەدى دەپ ويلايمىن» ، - دەدى ج. سۇلەيمەنوۆ.

سونىمەن قاتار ول «ەجەلگى ريم» مەيرامحاناسىنداعى توبەلەس تۇرمىستىق سيپاتتاعى جانجال ەكەنىن اتاپ ءوتتى.

بۇدان بۇرىن حابارلانعانداي، ق ر ىشكى ىستەر مينيسترلىگى قاراعاندىداعى كىسى ولىمىنە قاتىستى كۇدىكتى گۋرۋريانعا ءوز ەركىمەن بەرىلۋگە كەڭەس بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى