مينيسترلىك قاراعاندىداعى توبەلەستىڭ سەبەبىن ايتتى

ق ر ءى ءى م قاراعاندىداعى توبەلەس تۋرالى اقپاراتتىڭ كىدىرۋى سەبەبىن ءتۇسىندىردى

«قاراعاندىداعى «ەجەلگى ريم» مەيرامحاناسىنداعى وقيعاعا توقتالساق، 31 - جەلتوقساننان 1 - قاڭتارعا قاراعان تۇندە، ياعني ساعات 4 كەزىندە قوناقتار مۋزىكانى وشىرمەۋ تۋرالى تالاپ قويعان. سول سەبەپتەن ارالارىندا (مەيرامحانا يەلەرىمەن) ەرەگىس باستالىپ كەتكەن. وسىدان كەيىن ولار (قوناقتار) دالاعا شىعىپ، ءوز دوستارىنا حابارلاسىپ، سول جەرگە باسقا دا ازاماتتاردى شاقىرعان. قازا تاپقان ادام اتالعان مەيرامحانادا وتىرماعان، ياعني سىرتتان كەلگەن. اراداعى جانجالدىڭ سالدارىنان توبەلەس بولىپ، جارالانعان ءتورت ادامنىڭ ءبىرى كوز جۇمدى» ، - دەدى ا. سادۋبايەۆ ورتالىق كوممۋنيكاتسيالار قىزمەتىندە.

وسى ورايدا ا. سادۋبايەۆ بۇل ماسەلەدە ەشقانداي ۇلتارالىق قاقتىعىس جوق ەكەنىن اتاپ ءوتتى.

 «وسىعان دەيىن اقپارات بەرگەن بولاتىنبىز. قازىرگى كەزدە 8 ادام قاماۋدا وتىر. بۇل ماسەلەدە كىنالىلەر جازاعا تارتىلاتىن بولادى، ويتكەنى قىلمىس جاساعاننىڭ ءبارى بىردەي. وقيعانىڭ ءمان- جايى تەرگەۋ امالدارى كەزىندە انىقتالادى» ، - دەدى ا. سادۋبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى