سولتۇستىك كورەيانىڭ يتالياداعى ەلشىسى باتىسقا قاشتى
Washington Post گازەتىنىڭ حابارلاۋىنشا، ەلشىنىڭ قاشقانى تۋرالى وڭتۇستىك كورەيا پارلامەنتىنىڭ جابىق وتىرىسىندا سول ەلدىڭ بارلاۋ قىزمەتىنىڭ وكىلدەرى ايتقان.
Guardian باسىلىمى وڭتۇستىك كورەيا ديپلوماتى مەن سول ەلدىڭ پارلامەنت مۇشەسىنە سىلتەمە جاساپ، چو سون گيلدىڭ بىلتىر قاراشادا ەشكىمگە ەسكەرتپەستەن ريمدەگى كونسۋلدىقتان ايەلىمەن بىرگە شىعىپ كەتكەن دەپ حابارلادى. ەلشىنىڭ قاشۋىنا قاراشانىڭ سوڭىندا يتالياداعى قىزمەت مەرزىمىنىڭ اياقتالاتىنى تۇرتكى بولۋى مۇمكىن دەگەن بولجام ايتىلادى.
وڭتۇستىك كورەيانىڭ JoongAng Ilbo باسىلىمىنىڭ جازۋىنشا، ەلشى ەۋروپا وداعى ەلدەرىنىڭ بىرىنە ساياسي باسپانا بەرۋىن سۇراپ ءوتىنىش تاپسىرعان. ءبىراق يتاليا سىرتقى ىستەر مينيسترلىگى شەتەلدىك ديپلوماتتىڭ ءوز ەلىنە ءوتىنىشى بەرگەنىن جوققا شىعاردى دەپ حابارلايدى Reuters.
يتاليا س ءى م- دەگى دەرەككوز 2018 -جىلدىڭ سوڭىندا پحەنياننىڭ ريمگە جاڭا ەلشىسىن جىبەرۋگە ءتيىس بولعانىن ايتقان. يتاليانىڭ Ansa جاڭالىقتار اگەنتتىگى ەل بيلىگىنىڭ سولتۇستىك كورەيا ديپلوماتىنان پانا سۇرايتىنى تۋرالى ءوتىنىش الماعانىن حابارلاعان.
48 جاستاعى چو سون گيل 2017 -جىلدان بەرى سولتۇستىك كورەيانىڭ يتالياداعى ەلشىسى بولىپ ىستەگەن. ايەلى جانە بالالارىمەن ريمدە تۇرعان. راستالماعان دەرەكتەر بويىنشا، ول سولتۇستىك كورەيادا جوعارى لاۋازىمدى قىزمەت اتقاراتىن شەنەۋنىكتىڭ تۋىسى (كۇيەۋ بالاسى).
www.azattyq.org
