تۇركيالىق ءانشى ءان ۇرلاعان قازاق ازاماتىن سوتقا بەرۋ ءۇشىن قازاقستانعا كەلدى

ال مۇنى بىلگەن تۇرىك ءانشىسى وتانداسىمىزدى سوتقا بەرۋ ءۇشىن ارنايى قازاقستانعا كەلدى. بۇل تۋرالى 31 - ارنا حابارلايدى.

نۇرسۇلتان تۇرىك ءانىن عالامتوردان كەزدەيسوق كورىپ قالىپ، ۇناتىپ قالعان. رۇقسات سۇراۋ ويىنا دا كەلمەستەن، ءاندى ءوز قورجىنىنا قوسىپ، ءتىپتى بەينەبايان ءتۇسىرىپ ۇلگەرگەن. ال مۇنى ەستىگەن ءاننىڭ العاشقى ورىنداۋشىسى اشۋعا ءمىنىپ، ءتىپتى وتانداسىمىزدى سوتقا بەرۋ ءۇشىن ارنايى قازاقستانعا كەلىپتى.

«تۇركيادا پلاگياتقا كەشىرىم بولمايدى. ارنايى ۇيىم بار سول شەشەدى. بۇل ءاندى جازىپ شىعۋعا ءبىر جىل ۋاقىتىمدى سارپ ەتكەنمىن. قالايشا ونى وپ- وڭاي ۇرلاپ العانىن تۇسىنبەي قالدىم. ءاندى ماعان يۋتۋبتان دوستارىم كورسەتتى. سودان مەن ول ءانشىنى ىزدەي باستادىم. قازاقستاندا تۇراتىنىن انىقتادىم»، - دەيدى مۇرات ياپراك.

دەگەنمەن نۇرسۇلتان ولىسپەي بەرىسپەيمىن دەپ وتىر. ول الداعى ۋاقىتتا مۇرات ياپراكپەن كەزدەسىپ، ونىڭ ءتىلىن تاپپاق نيەتتە.

«اۆتورىمەن جولىعىپ، شەشۋگە تىرىسامىن»، - دەيدى نۇربەرديەۆ.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى