قاراعاندىدا دىبىستىق دابىل ىسكە قوسىلادى
وسىلايشا «بارشانىڭ نازارىنا!» دابىلى بويىنشا اۋماقتىق دەنگەيدەگى قۇلاقتاندىرۋ جۇيەسىنىڭ دايىندىعى تەكسەرىلەدى، دەپ حابارلايدى وڭىرلىك ت ج د باسپا ءسوز قىزمەتى. ۆەدومستۆو قالا تۇرعىندارىنان تىنىشتىقتى ساقتاۋدى جانە ۇرەيگە بوي الدىرماۋدى سۇرايدى. ت ج بويىنشا دەپارتامەنت توتەنشە جاعدايلار تۋىنداعان كەزدە نەمەسە ونىڭ الدىن الۋ ماقساتىندا حالىق نازارىن اۋدارۋ ءۇشىن دىبىستىق ەلەكتر دابىلدارى نەمەسە باسقا دا دىبىستىق قۇرالداردىڭ قويىلاتىنىن ەسكە سالادى. بۇل «بارشانىڭ نازارىنا!» دەگەن دابىلدى ەسكەرتۋدى بىلدىرەدى. وسى دابىلدى ەستىگەن جاعدايدا ورىن العان جاعدايعا قاتىستى ءىس- ارەكەت بويىنشا نۇسقاۋلىقتار الۋ ءۇشىن قولدا بار بارلىق اقپارات قۇرالدارىن (تەلەارنالار، راديو جانە باسقالاردى) قوسۋ كەرەك.
