قايرات نۇرتاس «پلاگيات» ءان ورىنداپ جۇرگەنىن مويىندادى

بۇرىندارى وزگەنىڭ ءانىن ورىنداۋ ۇيات سانالسا، بۇگىندە قازاق ونەرپازدارى ءۇشىن بۇل قالىپتى جاعدايعا اينالعان. ءتىپتى، حيتمەن قايرات نۇرتاستىڭ ءان قورجىنىندا پلاگيات اندەر بار بولىپ شىقتى. بۇل تۋرالى 31- ارنا حابارلايدى.

ءانشىنىڭ ايتۋىنا قاراعاندا، ءدال وسى كوشىرمە اندەر ءانشىنى ءبىر ساتتە تانىمال ەتىپ جىبەرۋى مۇمكىن. قايراتتىڭ ءان قورجىنىنداعى ۇرلانعان ءان «شاعالا قىز» دەپ اتالادى. ارميان حالقىنىڭ «گيپسي» اتتى ءانى، ورىنداۋشىسى - ليلي حاۆكانيسيان.

قايرات تەك قانا ارميانداردان ەمەس، ايىر قالپاقتى قىرعىز اعايىنداردىڭ دا انىنە جيەندىك ەتىپ جۇرگەن كورىنەدى. دەسە دە، قىرعىزدار دا قايراتتىڭ ءانىن ەش رۇقساتسىز ورىنداپ ءجۇر. وسى سەبەپتى قايرات كورشىلەرىمىزدى كەلىسىپ جۇمىس ىستەۋگە شاقىرادى.

«مەن قىرعىز باۋىرلارىما ايتامىن سەندەر مەنىڭ ءانىمدى الىڭدار، مەن سەندەردىكىن الايىن دەپ. سوندىقتان دا مەن پلاگيات دەگەندى تۇسىنبەيمىن، شىن ايتسام. ءبىراق ەڭ باستىسى ءاندى حالىقتىڭ قابىلداۋىنا بايلانىستى ايتۋ كەرەك»، دەيدى قايرات نۇرتاس.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى