قۋاندىق راحىم گاۋحار سارداربەك ەكەۋىنە قاتىستى تاراعان قاۋەسەتكە جاۋاپ بەردى
بۇل تۋرالى قۋاندىق ايگەرىم سەيفوللانىڭ «سىرلاسۋ» باعدارلاماسىندا ايتتى.
قۋاندىق ءبىر كەزدەرى گاۋحار سارداربەك، البينا شارداروۆا ەسىمدى جاس قىزدارمەن دۋەت ورىنداپ شىقتى. ەل اراسىندا قۋاندىق پەن گاۋحاردىڭ اراسىندا ماحاببات ۇشقىنى بولدى دەگەن سىبىس تارادى. ءتىپتى، گاۋحار قۋاندىقتى قىزعانىپ، ونىڭ ءجۇرىس- تۇرىسى قيىنداپ كەتىپتى دەستى جۇرت. ەل اراسىندا تاراعان قاۋەسەتتىڭ اق- قاراسىن قۋاندىقتىڭ ءوزى اجىراتىپ بەردى.
«گاۋحار قىزدارىڭىز ءوز ەركىمەن كەتكەن ادام. ويتكەنى وقۋىنداعى ۇستازدارى، اتا- اناسى باسقا قالالارعا ۇشۋىنا، گاسترولگە شىعۋىنا، ءتىپتى وزبەكستان ەلىنە بارىپ بەينەبايان تۇسىرۋگە قارسى بولدى. سول كەزدە اياق استىنان ادام تاپپاي، نە ىستەرىمىزدى بىلمەي قالدىق. ونىڭ الدىندا Instagram-نان البينا قارىنداسىمىزدى كورىپ جۇرەتىنبىز. ۆيدەو سالىپ، حالىقتىڭ ىقىلاسىنا بولەنىپ جۇرگەن قىزداردىڭ ءبىرى عوي. وعان ۇسىنىس تاستادىق، بىردەن كەلىستى. ءبىراق قىز بالامەن قيىنداۋ دەپ ءوزىڭىز دە ايتىپ كەتتىڭىز. سەزىمگە بەرىلگىش بولادى، تەز عاشىق بولادى. ءسويتىپ شىعارماشىلىقتان قول ۇزەتىنىن ايتتى. ويتكەنى تۇرمىسقا شىعۋىم كەرەك، دەدى. ول كەزدە باۋىرجان ساتوۆ تا، البينا دا بىزبەن بىرگە جۇمىس ىستەيتىن. جۇمىس بارىسىندا ءبىر- بىرىنە عاشىق بولىپ قالعان شىعار»، - دەگەن قۋاندىق گاۋحار ەكەۋىنىڭ اراسىندا تەك قانا شىعارماشىلىق بايلانىس بولعانىن ايتتى.
ءانشى الداعى ۋاقىتتا تەك قانا باسى بوس قىزدارمەن دۋەت قۇرعىسى كەلەتىنىن جاسىرمادى. سەبەبى:
«نەعۇرلىم تۇرمىسقا شىقپاعان قىزدارمەن دۋەت ايتقىم كەلەدى. ويتكەنى ايتقان انىڭە حالىق ءبارىبىر سەنبەيدى. ول كىسىنىڭ تۇرمىسقا شىققانىن ءبىلىپ تۇرسا، ءبارىبىر سەنىمسىزدەۋ شىعادى. شاما كەلسە، جاڭا ەسىم شىعارعىمىز كەلەدى. حالىقتىڭ اراسىنان باقىلاپ ءجۇرىپ، گاۋحار سياقتى، البينا سياقتى جاڭا ەسىم شىعارعىمىز كەلەدى. بىرەۋدىڭ كىشكەنە بولسىن جاقسى بوپ كەتۋىنە، حالىققا سۇيىكتى بولىپ كەتۋىنە كىشكەنتاي بولسىن پايدامىزدى تيگىزگىمىز كەلەدى»، - دەيدى ءانشى.
Stan.kz
