پىستە شاعۋ پايدالى ما، زيان با؟
ال سول ەرمەكتىڭ سىزگە قانشالىقتى پايداسى نە زيانى بارى جايىندا بىلگىڭىز كەلە مە؟ ەندەشە، تومەنگە كوز تىگىڭىز.
پىستە شاعۋدىڭ زيانى
كۇندى ءسۇيىپ وسكەن كۇنباعاس پىستەسىن زيان دەۋگە دە قيمايسىڭ. كوبى پىستە شاعۋدى مادەنيەتسىزدىكتىڭ بەلگىسى رەتىندە تانيدى. كەشىرەرسىز، ءبىراق كينوتەاتردا وتىرىپ پوپ-كورن قىتىرلاتۋ مەن ساعىز شايناۋ مادەنيەتسىزدىككە جاتپاي ما سوندا؟
پىستە تۋرالى تاعى ءبىر «اڭىز» بار. ول - سوقىرىشەك اۋرۋى. بۇل اۋرۋدىڭ تۋىنداۋىنا پىستە شاعۋ كىنالى دەپ ءتۇسىنىپ، پىستە شاققان بالالارىن «سوقىرىشەك بولاسىڭ» دەپ قورقىتاتىن اتا-انالارعا مۇنىڭ ول اۋرۋعا ەش قاتىسى جوق ەكەندىگىن ايتىپ، التىننان قۇلاقتارىنا سىرعا تاقتىق.
پىستەنىڭ سوقىرىشەككە ەشقانداي دا قاتىسى جوق. بۇل - ويدان شىعارىلعان پىكىر، جاساندى قورقىنىش. ونى ءبىز دە ويىمىزدان شىعارىپ وتىرعانىمىز جوق، مۇنى راستاعان - بىلىكتى ماماندار.
ال ناقتىراعىنا كەلگەندە، پىستە ءتىس كىرەۋكەسىنە اسا زياندى. ءسىز پىستە شاعىپ وتىرعاندا، ءتىس كىرەۋسكەسىنىڭ سىرتقا بەدەرىنە پىستەنىڭ قالاي زيان كەلتىرىپ جاتقانىن اڭعارماۋىڭىز دا مۇمكىن. ءتىس كىرەۋسكەسى بۇزىلعان سايىن ول جۇيكە تالشىقتارىنا جانە كاريەسكە دە كەرى اسەرىن تيگىزبەك. سونىمەن قاتار پىستە شاعۋ اسەرىنەن اسقازاندا قىجىل تۋىندايدى.
ءوزىنىڭ دەنە ءبىتىمىنىڭ قالىپتىلىعىن قاتاڭ ساقتايتىن ادامدار ءتىپتى پىستەگە جولاماۋى قاجەت. سەبەبى پىستەدە كالوريا وتە كوپ. بۇل ءونىمنىڭ 100 گرامىندا 520 كيلوكالوريا بارى انىقتالعان.
پىستە شاعۋدىڭ پايداسى مەن قۇرامى
جوعارىداعىلاردى وقىپ الىپ، قولىڭىزداعى پىستەدەن قۇتىلۋ ءۇشىن قوقىس تاستايتىن شەلەككە قاراي اسىقپاي قويا تۇرىڭىز! كۇنباعىستىڭ ازىقتىق تالشىعىنان كەلگەن پىستەنىڭ ءدانى ىشەكتىڭ قالىپتى جۇمىس جاساۋىنا كومەگىن تيگىزەدى. كۇنباعىس پىستەسىنىڭ داندەرىندە كەزدەسەتىن قويۋ مايلى قىشقىل حالەستەريننىڭ تومەندەۋىنە جاردەمشى.
بۇگىندەرى ءبىز ءدارىحانالارعا ءجيى باس سۇعىپ «توننالاپ» الىپ جۇرگەن دارۋمەندەردىڭ وسى پىستەنىڭ قۇرامىندا بارىنان دا حابارسىزبىز. قاراپايىم پىستەنىڭ قۇرامىندا كوزدىڭ كورۋىن جاقسارتاتىن جانە تەرىنى جاس قالپىندا ساقتايتىن A دارۋمەنىنىڭ، مي قاباتىنىڭ قالىپتى جۇمىسىنا جاۋاپ بەرەتىن ە دارۋمەنىنىڭ بار ەكەنىن دە ءبىلىپ جۇرگەيسىز.
پىستە دانىندە كەزدەسەتىن B توبىنداعى دارۋمەندەر قايىزعاق پەن ۇشىقتان ساقتانۋعا كومەكتەسەدى. سونىمەن قاتار ول ۇيقىسىزدىق پەن كۇيزەلىستەن دە قۇتقارادى. ال D دارۋمەن سۇيەكتەرىڭىزدىڭ قۇرامىنداعى كالتسيدى ارتتىرىپ، ونىڭ بەرىكتىگىنە جۋاپ بەرەدى.
كۇنباعىس پىستەسىنىڭ ءدانى، سونىمەن قاتار، ۇمىتشاقتىق اۋرۋى مەن جۇرەك قان تامىرىنا بايلانىستى دەرتتەرگە دە ەم.
پىستەنىڭ قۇرامىندا %20 اقۋىز جانە تاپتىرمايتىن امينقىشقىلدار كەزدەسەدى. قۇرامىندا ماگني، مىرىش سىندى ميكروەلەمەنتتەر دە بار. ماگنيي جۇرەك قان تامىرلارى مەن ميدىڭ قالىپتى جۇمىس اتقارۋىن رەتتەپ، ويلاۋ دارەجەسىنىڭ قىزمەتىن ارتتىرادى. كۇنباعىس پىستەسىنىڭ 100 گرام دانىندە 311 م گ ماگني كەزدەسەدى. ال مىرىش - سۇلۋلىقتىق اسقان «ءمۇسىنشىسى». ول شاش پەن تىرناقتىڭ ساۋلىعىن ساقتاپ، يممۋنيتەتتى ارتىرادى. مۇنىمەن قوسا ونىڭ قۇرامىندا مىس پەن سەلەن دە بارشىلىق.
بارلىق پىستە داندەرى «پسيحوتەراپيەۆتىق» اسەرگە يە. شىلىم شەگۋدى تاستاعالى جۇرگەن ادامعا پىستەنىڭ اۋىز تولتىرىپ ايتارلىقتاي پايداسى بار. شىلىمدى قاجەت ەتىپ تۇرعان ۋاقىتىندا پىستە شاقسا، شىلىمعا دەگەن ىقىلاسى باسەڭدەمەك.
ارينە، شەشىم وزىڭىزدە: ءبىرىڭىز زيان كورىپ، پىستەدەن باس تارتارسىز، ال ءبىرىڭىز جوعارىداعىلاردان ءتۇيىن شىعارىپ ەم رەتىندە دە پايدالانارسىز.
