وكسانا تەن: اۋرۋحاناعا اكەلگەندە بالامنىڭ جۇرەگىندە قان بولماعانىن سەزدىم
«مەن دارىگەردىڭ وتباسىندا وسكەندىكتەن، دەنيستىڭ اۋرۋحاناعا اكەلگەندەگى جاعدايىن شامامەن ءبىلدىم. سەبەبى سان ارتەرياسى كەسىلسە، دارىگەرلەردىڭ وزدەرىنىڭ ايتۋىنشا، ول قاندى توقتاتۋ مۇمكىن ەمەس. بۇل ومىرلىك ماڭىزدى ورگان. ولار ادامنىڭ ءتىرى قالمايتىنىن بىلمەدى دەگەنگە سەنبەيمىن. سان تامىرىن بايلاۋ ءۇشىن وعان جەتۋگە ۋاقىت كەرەك. ونداي جاراقات العان ادام دارىگەر ۇستەلىندە 15 مينۋتتا ءولىپ كەتەدى. ال سپورتشىنىڭ جۇرەگى ەكى ەسە شىنىققان. ەكى ەسە تەز جۇمىس جاسايدى، قان جىلدام اينالادى. دەنيستى اۋرۋحانا اكەلگەندە مەن شامامەن ءبىلدىم. ونىڭ جۇرەگىندە قان قالماعانىن ءتۇسىندىم. قان قاتتى جىلدامدىقپەن اينالعان كەزدە ءبارى اعىپ كەتكەن. مەنىڭ دارىگەرلەرگە العىسىم شەكسىز. ولار قولدان كەلگەنىن جاسادى»، - دەدى وكسانا تەن.
ەسكە سالساق، دەنيس تەندى بيىل 19 - شىلدەدە الماتى قالاسىندا بەلگىسىز بىرەۋلەر پىشاقتاپ كەتكەن ەدى. اۋىر حالدە اۋرۋحاناعا جەتكىزىلگەن سپورتشى كوز جۇمعان بولاتىن.
دەنيس تەننىڭ ولىمىنە قاتىستى قىلمىستىق ءىس قوزعالىپ، كۇدىكتىلەر ىزدەستىرىلدى. ەلباسى دەنيس تەنگە قاتىستى قىلمىستى مۇقيات تەكسەرۋدى تاپسىردى. كەيىن ق ر ءى ءى م كۇدىكتىلەردىڭ ۇستالعانىن جاريا ەتتى. ال، قىركۇيەك ايىنىڭ سوڭىندا ىشكى ىستەر ءمينيسترى قالمۇحانبەت قاسىموۆ اتالمىش قىلمىستىق ءىستىڭ تەرگەلۋىنە قاتىستى مالىمەت بەرگەن بولاتىن. 25-جەلتوقساندا الماتىنىڭ قىلمىستىق ىستەر بويىنشا اۋدانارالىق مامانداندىرىلعان سوتىندا بەلگىلى سپورتشىنىڭ ءولىمى بويىنشا الدىن الا سوت تىڭدالىمى وتكەن بولاتىن.
اۆتور: گۇلميرا عوسمانالي
