قازاقستاندا ازاماتتاردى شاقىرۋ ۋچاسكەلەرىنە تىركەۋ باستالدى
باسپا ءسوز قىزمەتىنىڭ حابارلاۋىنشا، تىركەۋ ازاماتتاردى اسكەري ەسەپكە الۋ، ولاردىڭ سانىن، اسكەري قىزمەتكە جارامدىلىق دەڭگەيىن ايقىنداۋ، ماماندىعى بويىنشا العان ءبىلىم جانە دەنە دايىندىعى دەڭگەيىن انىقتاۋ ماقساتىندا ۇيىمداستىرىلىپ، وتكىزىلەدى.
«اسكەري قىزمەت پەن اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ زاڭىنا سايكەس شاقىرۋ ۋچاسكەلەرىنە شاقىرىلاتىن جىلى 17 جاسقا تولاتىن ق ر ەر ازاماتتارى تىركەلۋى ءتيىس. قازىرگى ۋاقىتتا جەرگىلىكتى اتقارۋ ورگاندارىنىڭ شەشىمى بويىنشا ازاماتتاردى مەديتسينالىق كۋالاندىرۋدان وتكىزەتىن مەديتسينالىق كوميسسيالار قۇرىلدى. قورعانىس ىستەرى جونىندەگى باسقارمالار (بولىمدەر) ازاماتتاردى شاقىرۋ ۋچاسكەلەرىنە شاقىرۋ ۇدەرىسىندە ەمدەلۋگە (مەديتسينالىق باقىلاۋعا) مۇقتاج شاقىرىلۋشىلاردى ايقىندايدى جانە ولاردى ەمدەۋ- پروفيلاكتيكالىق ۇيىمدارعا، دەنساۋلىق جاعدايى بويىنشا جارامدىلاردى اسكەري وقۋ ورىندارىنا تۇسكىسى كەلەتىندەردى قورعانىس مينيسترلىگىنىڭ مامانداندىرىلعان ۇيىمدارىندا وقۋ ءۇشىن تىركەيدى.
اسكەري ەسەپكە العاش رەت تۇرعان ازاماتتارمەن جەرگىلىكتى اسكەري باسقارۋ ورگاندارىندا قورعانىس مينيسترلىگىنىڭ اسكەري وقۋ ورىندارىنا وقۋعا ءتۇسۋ جانە كەلىسىمشارت بويىنشا اسكەري قىزمەتتىڭ كەلەشەگى تۋرالى ۇگىت-ناسيحات جۇمىسى جۇرگىزىلەدى.
