تايلاندتا ونداعان مىڭ تۇرعىن داۋىلدان سەسكەنىپ ۇيلەرىن تاستاي قاشتى
بەيسەنبى كۇنى Bangkok Post گازەتى قولايسىز اۋا رايى اۋماققا 4- قاڭتاردا جەتەتىندىگىن جازدى. بار نازار جاعالاۋدىڭ 220 شاقىرىمى تيەسىلى ناكحونسيتحاممارات پروۆينتسياسىنا تىگىلىپ وتىر. جۇما كۇنى كەشكە قاراي مۇندا سۇراپىل نوسەر جاۋادى. سوعان وراي ءوڭىر اۋماعىندا 86 مىڭ ادام سياتىن 90 باسپانا دايىندالدى.
تايلاند مەتەورولوگيالىق دەپارتامەنتى سيام شىعاناعىنداعى داۋىل باتىسقا قاراي ساعاتىنا 65 شاقىرىم جىلدامدىقپەن جىلجىپ كەلە جاتقاندىعىن ەسكەرتتى.
بيلىكتىڭ اقپاراتىنا سايكەس جاعالاۋدا تۇراتىن 30 مىڭ ادام قاۋىپسىز ورىندارعا كوشىرىلگەن. جۇما كۇنى پروۆينتسياداعى مەكتەپتەردىڭ ءبارى جابىلادى.
داۋىلدىڭ جاقىنداپ قالعانىنا بايلانىستى قازىردىڭ وزىندە ونداعان مىڭ تۋريست تايلاندتىڭ تانىمال ارالدارى مەن كورولدىكتىڭ وڭتۇستىگىندەگى كۋرورتتاردى تاستاي قاشىپ جاتىر.
