دەنيس تەن ءولىمى: ارمان قۇدايبەرگەنوۆ اينا ۇرلاۋدى ينتەرنەتتەن ۇيرەنگەن
مەملەكەتتىك ايىپتاۋشى قۋاندىق دوسوۆ جۇرگىزگەن سۇراق- جاۋاپ بارىسىندا ارمان قۇدايبەرگەنوۆتىڭ 2018 -جىلدىڭ مامىرىنان باستاپ كولىكتەردىڭ اينالارىن ۇرلاپ، ونى جىبەك جولىنداعى (بازار - رەد. ) بەلگىسىز تۇلعاعا 40 مىڭ تەڭگە شاماسىندا ساۋدالايتىندىعى بەلگىلى بولدى.
سونداي- اق، كۇدىكتى كولىك ايناسىن ۇرلاعانى ءۇشىن جابىرلەنۋشىنىڭ 400 مىڭ تەڭگە دەپ كورسەتكەن شىعىنىمەن كەلىسپەيتىندىگىن جانە اينانىڭ باعاسى ونداي قىمبات تۇرمايتىندىعىن جەتكىزدى.
«مەن ۇرلىق جاساعانىمدى مويىندايمىن. ماعان اقشا قاتتى قاجەت بولدى. الماتىدا جۇرگەندە اقشا جيناپ ءجۇردىم. جيناعان قاراجاتىمدى استاناداعى اناما بەرگىم كەلدى. استانادا اقشام قالمادى. تۇراتىن جەرىم دە بولعان جوق. تاعى قىلمىس جاساسام، پوليتسەيلەر ىزىمە تۇسەتىنىن ءبىلدىم. سول ءۇشىن الماتىعا كەتتىم» ، - دەدى جابىرلەنۋشى وكسانا تەننىڭ ادۆوكاتى نۇرلان وستەمىروۆتىڭ سۇراعىنا جاۋاپ بەرگەن كۇدىكتى.
ءسوزىنىڭ سوڭىندا ارمان قۇدايبەرگەنوۆ كولىك ايناسىن ۇرلاۋدى قايدان ۇيرەنگەنىن ايتتى.
«ونىڭ ءبارى ينتەرنەتتە تۇر. سودان ۇيرەندىم» ، - دەدى سوتتالۋشى.
بۇگىنگى وتىرىستا تەرگەۋمەن اينالىسقان استانا پوليتسيا باسقارماسىنىڭ انىقتاۋشىسى فاريزا رازبەكوۆادان سۇراق جاۋاپ الىنعان بولاتىن. پوليتسيا قىزمەتكەرى قىلمىسكەردىڭ نەگە بوستاندىققا جىبەرىلگەنىن ءتۇسىندىردى.
ودان سوڭ وكسانا تەننىڭ ادۆوكاتى نۇرلان وستەمىروۆ قىلمىسكەرگە قاتىستى بۇلتارتپاۋ شاراسىن قابىلداۋدا ورەسكەل زاڭ بۇزعانى ءۇشىن پوليتسيا قىزمەتكەرلەرىن جاۋاپقا تارتۋدى سۇرادى.
ەسكە سالساق، دەنيس تەندى بيىل 1- 9 شىلدەدە الماتى قالاسىندا بەلگىسىز بىرەۋلەر پىشاقتاپ كەتكەن ەدى. اۋىر حالدە اۋرۋحاناعا جەتكىزىلگەن سپورتشى كوز جۇمعان بولاتىن.
دەنيس تەننىڭ ولىمىنە قاتىستى قىلمىستىق ءىس قوزعالىپ، كۇدىكتىلەر ىزدەستىرىلدى. ەلباسى دەنيس تەنگە قاتىستى قىلمىستى مۇقيات تەكسەرۋدى تاپسىردى.
