تۇندە قالاي سەرگەك وتىرۋعا بولادى؟
نە بولسا دا جاستىققا اسىعا بەرمەۋ ءۇشىن، بىرنەشە قاراپايىم كەڭەس ۇسىنامىز.
ۇيقىعا قاتىستى ادەتتەرىڭىزدى ۇمىتىڭىز
بالكىم، ءسىز ۇنەمى جاتار الدىندا دۋش قابىلداپ، سۋ ءىشىپ، جەڭىلدەۋ كيىنەتىن شىعارسىز. اعزا وسىدان- اق ۇيقىنىڭ ۋاقىتى كەلگەنىن سەزىپ، ءوزىن- ءوزى وسى پروتسەسسكە دايىنداي باستايدى. سوندىقتان، ەگەر ءتۇندى ۇيقىسىز وتكىزۋدى ويلاساڭىز، بۇل ادەتتەردى قايتالاماعىنىڭىز دۇرىس. ءتىپتى، جەڭىل كيىممەن جۇمىس ىستەۋ ىڭعايلى بولسا دا.
كوپ تاماق ىشپەڭىز
ءاردايىم تويىپ تاماق ىشكەن سوڭ، اعزا ۇيقىعا اسىعىپ تۇرادى. جەڭىل تاماقتانساڭىز، ول بەلسەندى جۇمىس ىستەيدى. وسىنى ەسىڭىزدەن شىعارماڭىز. جۇمساق توسەك، ديۆانداردان اۋلاق وتىرىڭىز بۇلار شىن مانىندە وتە ىڭعايلى. ءبىراق، مۇندا كوزىڭىزدىڭ دە تەز ىلىنەتىنىن ەستەن شىعارماعانىڭىز ابزال. نە دەگەنمەن دە، جۇمىس ۇستەلگە وتىرۋدى ادەتكە اينالدىرىڭىز.
شامدى جارىق قىلىڭىز
اشىق ءتۇس، جارىق شام ۇيقى گورمونىنىڭ جۇمىسىنا كەرەعار. سوندىقتان، بولمەنىڭ جاپ- جارىق بولىپ تۇرۋى - ءسىزدىڭ سەرگەك وتىرۋىڭىزعا سەپتىگىن تيگىزەدى.
ۇيقىڭىزدى قاندىرىپ الىڭىز
بۇل ءتۇندى ۇيقىسىز وتكىزۋدى جوسپارلاساڭىز، ءبىر كۇن بۇرىن ۇيقىڭىزدى جاقسىلاپ قاندىرىپ الىڭىز. ۇيقىسىزدىقتىڭ كەسىرىنەن ادامنىڭ جۇمىسقا قابىلەتى ابدەن تومەندەيدى. سوندىقتان، مۇنى ادەتكە اينالدىرۋدى ويلاماڭىز.
كوفە ءىشىڭىز
سونداي- اق ءتاتتى شاي مەن شوكولاد تا ارتىق بولمايدى. قانت كومىرسۋدىڭ قىزمەتىن اتقارادى. ول بىزگە كوپ ەنەرگيا بەرگەندىكتەن، ونى دا پايدالانۋعا بولادى. ارينە، پايدالى دەپ ايتا المايمىز. ءبىراق، ءبىر ۇيقىسىز ءتۇن پايدالانۋعا تۋرا كەلەدى.
ساعىز شايناڭىز
ادام ساعىز شايناپ وتىرعاندا، ۇيىقتاي المايدى. جاتتىعۋ جاساڭىز كەز كەلگەن فيزيكالىق بەلسەندىلىك ادامدى سەرگىتەرى انىق. ءارى كوفە مەن ءتاتتى شوكولادتان سوڭ ونداي جاتتىعۋلاردى مىندەتتى تۇردە جاساۋىڭىز كەرەك.
دەرەككوز: likeme.kz
